يا سلام على دبي مول كل شوي فاتح فيه شي جديد وممتع .. هالمرة لقينا هالمحل الي من بره شكله يشوق ولما تدخلونه راح تحبونه أكثر ديكوره وستايله فرنسي واللون الأصفر شرح ويفرح مع منظر الأرفف المتروسة لغاية السقف بعلب بسكوت وكراميل ونوغا وكادي كلها من فرنسا .. يا سلام سلم .. بسطنا عندهم والحلو فيهم يضيفونا من كل الأشياء الي عندهم وكل شي احلى من الثاني :)
وأحلى شي عندهم العلب الحديد للحلويات يازو لنا لأنه نحب هالستايل.. موديلاتهم كل واحد أحلى من الثاني وحلوين كصوايغ
هذا البسكوت خذينا تشكيله متنوعة
هذولا جياس هالحلاو الي عندهم وكاكاو على شكل زيتون محشي لوز
أهني بعد ما فرغناهم في علبة عادية وزيناها بالشرايط ملوت الجياس كنا لي الحين عايشين اجواء المحل كل شي عندهم نزاكه ومربوط بشريطة :)
تذكرت بعد اخذنا منهم مكعبات النوغا والكراميل بحشوات مختلفة .. بس ما أدري ليش ما صورتهم وخلصوا ما بقا منهم شي بس كطعم حبيت الكراميل أكثر من النوغا
هذا سايت المحل هنا
يشوووق ماشاءالله..
ReplyDeleteبالعافيه يارب..
يا حلو دبي مول يا شيخة !! انا قايلة لو كان دبي مول رجال كان تزوجته من زمان
ReplyDeleteوهالمحل مرة حلوو .. شكله يشهي ما شاء الله
رورو:
ReplyDeleteالله يعافيج
أن شاء الله اذا صارت لج روحة دبي مري على المحل راح يعجبج
lama
ReplyDeleteما تنلامين أنا أحب دبي بكبرها ;)
مشكوورة الله يحلي أيامك
يونسّ المحل
ReplyDeleteشكل علبة البسكوت يشوق
لازم اروحله اذا رحت دبي ان شاء الله
نزهاوية
ReplyDeleteلا يطوفج راح تحبين العلب شكلهم حلو
حده يشوق هالمحل
ReplyDelete<< اتعلم من رمستكم ههههه
بس جد
المحل شكله وايد يشجع
احيد شرينا من ايرلندا منه
بس يوم فتحوا المحل عندنا في أبوظبي
مدري ليه ما تحمست له كثير
بس اروح له إذا كنت يعانه
أخذ بسكويت على الماشي هههههه
.
.
شنو اللي عجبج أكثر شيء عندهم
وتنصحيني بتجربته؟!
.
Ayesha Almansoori
ReplyDeleteيا حلو الي تتحجى كويتي :)
شوفي أحسن شي بالمحل هذا أنهم يقدمون لك تذوق من كل شي عندهم قبل لا تشترين وبعد أنه كل شي بالميزان أو بالوزن يعني مو شرط تاخذين كمية كبيرة تقدرين تاخذين كميات بسيطة للتجربة
أنا جربت البسكوت عندهم الي محشي كاكاو و مربي كانو زينين وجربت النوغا البيضة باللوز اذا تحبين هالسوالف أما الحلويات أو الكادي فكانو عاديين بس كشكل حلوين لهدايا