حياكم الله في قصر الإمارات.. في دار الظبي دار آل نهيان الكرام
واحد من أحلى الفنادق الي سكنا فيها .. فخامة القصور وضيافة فاخرة ورقي في التعامل وأحساس بالألفة في المكان كأننا في بيتنا
تفضلوا ندخل ونشوف القصر من داخل
القبة الذهبية في نص الردهة الرئيسية
الريسبشن
ممرات الفندق كثيرة والمسافة طويلة بين الغرف واللوبي والمطاعم ولكن في ميزة سهولة الوصول الي البحر والمسابح من صوب الغرف
اللوبي بالطابق الرابع والغرف من الطابق الأول إلى الرابع يعني اذا نبي نروح اللوبي نصعد له فوق مو ننزل تحت مثل باجي الفنادق
والطابق الخامس ما أدري حق شنو .. والطابق السادس مخصص حق ضيوف الدولة من ملوك وأمراء ورؤساء
وغرف الفندق بس 300 علشان ما يزدحم ولتوفير مساحة أكبر لراحة الضيوف وموجودين في الجناحين الشرقي والغربي للفندق وكل جناح له شاطئ ومسابح خاصة فيه ومنفصلين عن بعض
هذولا مفاتيح الغرفة حدنا استانسنا عليهم وتقدرون تحتفظون فيهم كتذكار من الفندق
الحين نيي حق الأنشطة الي تقدرون تسونها وأهمها السباحة في البحر أو حمامات السباحة الي تضم ألعاب ترفيهية وزحلاقيات وليزي ريفير
هذا الجهاز منادة علشان اذا محتاجين شي على الشاطئ مع أن كل شوي ايون لنا العاملين يوزعون علينا فوط بااااردة ومعطرة وماي
قعدة عربية على الشاطئ يقدمون الشاي والقهوة عربية
وأخيراً بعد هالجولة في أنحاء القصر ..
الكابتشينو الذهب المشهور فيه قصر الإمارات .. وكل الحلويات الي بالكافية مزينه بالذهب وتقريباً يستخدمون 5 كيلو ذهب عيار 24 سنوياً للتزيين بس ..
كل الأكل الي ذقناه بالفندق سواء بالغرفة أو المطاعم كان لذيذ وعلى مستوى عالي ومبين أن الشيفات الي عندهم توب وشطار
الحجز كان عن طريق سايت الفندق ( هنا )
فقدتكم من غير شر ..
ReplyDeleteوالفندق شكله حلو ومتروس فناتق ماشاءالله..
مشكوره ع موضوع..
أهلين رورو .. مشكووورة ما تفقدين غالي وأحنا بعد ولهنا على البلوق وعليكم
ReplyDeleteالفندق روعة أن شاء الله تصير لج فرصة تروحين أبوظبي وتشوفينه على الطبيعة
حياج الله :))
ولكم بااااك
ReplyDeleteالحمدالله على سلامتكم الفندق شكله روعه مشاءالله عجبتني سالفة الذهب يبيله تجربه
SiLeNTGRL
ReplyDeleteمشكورة :)
الله يسلمج .. أن شاء الله تصير لج روحة حق أبوظبي وتعيشين التجربة :)
WOW
ReplyDeleteماشاء الله عجيب
عاد قبل جم يوم يبنا طاري هالفندق انا و خواتي ودنا نسكن فيه اذا رحنا ابوظبي
عليكم بالعافيه و الحمدلله على السلامه ;)
نزهاوية
ReplyDeleteحبيبتي مشكورة الله يسلمج
الفندق وايد حلو وكافي البحر ما تشبعين منه
ان شاء الله تروحون ابوظبي وتشوفونه على الطبيعة
عليكم بالعافية
ReplyDeleteمنوره بوظبي فيكم يومها عيل ^_^
ReplyDelete.
.
فندق قصر الإمارات وايد جميل
أحب اروحه عشان اتمشى فيه
وحزات نتعشا هناك مع شوية مغامرات
بأنه ندخل الشاطئ وهو ممنوع على الزوار دخوله
ههههههه
ويامرحبا فيكم
.
.
ماجربت ايلس فيه بما أنيه من أهل ابوظبي
بس يباله مره نيلس فيه
تحمست له من رمستج
شكراً يا عسل،.
Ayesha Almansoori
ReplyDeleteمنورة بأهلها يا جعلكم سالمين من كل شر ومكروه
عسى ربي يهنيكم ويزيدكم من خيره
اذا رحتي إن شاء الله لااااااازم تجربين البلوبيري تشيزكيك الموجودة في الكافية باللوبي عجيبة وايد لذيذة