january favorties

البي بي كريم المفضل لي هل الشهر من ديور

درجته ملائمة جدا للون بشرتي ودرجة الحماية وااايد زينة 50 +++

ياي البي بي كريم من لاين ديور سنو الاين المشهور المخصص للتبييض

ويشتغل على خمس خصائص توحيد اللون ، تنوير البشرة ، ترطيبها ، نعومتها و امتلائها ..

يفتح مع الاستمرار من التبقعات الي في البشرة ويمنع ظهورها ...

وااايدلاحظت ان بشرتي افتحت هل الشهر مع استخدامي لهذا البي بي باستمرار ..

تونر برث او فرش اير  من لش

يرطب البشرة وينعمها ويقلل تهيجها واحمرارها من مكوناته الالوفيرا والورد والباتشولي والروزميري

حبيت خفته وان يعطي انتعاش للبشرة احسه يعقم البشرة عدل ما احس فيه خصائص ترطيبيه مثل ما اهو مذكور وما حبيت المرش ماله ( البمب او السبراي ) ما ادري شسمه بالضبط بس طريقته برش المستحضر سخييييييفه يحذفه على الويه بدفااشه امم يعني ما يسوي مست او رذاذ خفيف .. بس كبرودكت حبيته ..

كريم مرطب ويقلل من نمو الشعر من فيت

79% من السيدات الي جربوه لاحظوا منه نتايج .. تركيبه تستهدف بصيلات الشعر ويقلل من نموه حتى للشعر القاسي

وااااااايد مستانسه منه حسيت صج يقلل من نمو الشعر او يبطأه جربت قبله كريمات من دكاترة الجلدية اقلها ب 60 دينار ولا شفت منها نتيجة بالعكس سببت لي حساسية والتهاب في بصيلات الشعر .. بس هذا الكريم الرخيص والكويس المتوفر بالجمعيات شفت منه نتايج حلوة وطريقته تستخدمينه يوميا بس انا استخدمه بعد جلسات الليزر بس هم حسيته ياب نتيجة..

لزقات البثور من نكست كير

لزقات شفافه تحطينها على اي حبه على الويه وتختفي مثل السحر ما تلاحظينها الا اذا قربتي عدل ..

مضادة للماي يعني حتى لو غسلتي ما اتاثر وتحمي من التهاب واحمرار البثور وتمتص المادة الي داخل البثور خلال يوم وتساعد ان تروح البثور اسرع وتسكن من الالم الناتج عن الحبوب ..

واااايد حبيتهم صج تساعد ان تروح الحبوب بسرعه وتخفف المها وتخفيها وتطيب اسرع ..

احسن بوااااااااايد من الكريمات الي تنشف والي تزيد من التهاب البشرة واحمرارها وتخلي البشرة متهيجة .. 

Ponds Age Miracle

بعد ما قريت آراء ايجابية عن لاين بوندز قررت اني اجرب هذي الماركة .. بوندز ماركة قدييييييمة اذكر وانا ياهل امي كانت تستخدمها وعندها منهم كريمين واحد ازرق والثاني وردي ولهم ريحة مميزة للحين اذكرها ..

بس انا شخصيا ما استخدمتها من قبل وشكثر امر عليها بالجمعية وما افكر اشتري منها شي ..

خذيت :

- كريم الاصلاح والتجديد الليلي

- غسول التجديد والاصلاح

- كريم مرطب ملون

- سيروم تجديد شباب البشرة بالذهب الحقيقي

الكريم فيه مادة حصلوا على براءة اختراع فيها تساعد مادة الريتينول الي من مكونات الكريم على اختراق البشرة وتجديدها وازالة الخلايا الميتة المتراكمة ... ملمسه كريمي ثقيل ويترك طبقة سيلكونية على البشرة نتايجة بالنسبة لي عطاني اشراقه لبشرتي وتصغرت المسامات وكون بشرتي دهنية ما حسيت زاد من دهنيتها وما سبب لي اي نوع من البثور ..

ما حبيت فيه الملمس السيلكوني الي يذكرني بالبرايمرات .. اممم يعني يعتبر مرطب جيد بالنسبة لسعرة

الكريم المرطب الملون .. حجمه نتتتتتتتتفه يتوفر بثلاث درجات انا خذيت الافتح بس طلع شير انا ما تاكدت من الالوان عدل وخذيت رقم 1 سيده .. شفاف ماله لون واااااضح يعني ما استفدت منه من هل الناحية اعتبره كريم مرطب وقمت استخدمته تحت كريمات البي بي علشان استفيد من ترطيبه ومن فوايدة العلاجية .. اذا بتشترونه اختاروا الدرجات الثانية يكون افضل  ..

الغسول .. غسول كريمي وفيه حبيبات بسيطة حبيت فيه خاصية التقشير الخفيفه هذي و يعتبر مكمل للاين يعني لاباس فيه ما في شي واو واو ..  

سوووري الصورة مقلوبه ما ادري ليش ؟؟؟

باقي الي ما سويت رفيو عنه اهو السيروم الي بذرات الذهب الي اكثر شي كنت متحمسه استخدمه بس للاسف فتحته وجربته على ايدي وبعدها بثانية طاح مني وانكسر :(

حسيت ملمسه حلو على بشرتي وكأن نتايجة تبشر بالخير وقلت برجع اشتريه مره ثانية وعسي المره الثانية اتهنى فيه اكثر ..

Rising Sun Full Moon

I looooove all the clothing, styling, theme even the blue hair color ..  I love every thing in the pictures absolutely stunning



I've been kissed by a rose

أحب هالأغنية والحين تذكرتها أول ما حطيت كريم الأيد بعطر الورد عجيييييب كأني داهنه إيدي بدهن ورد روعة الريحة وكل ما اشرت بايدي تفوح الريحة الحلوة .. وبعد نسبة  زبدة الشيا  20% يعني نسبة ممتازة بالترطيب .. عقب ما اتدهن فيه احس بنعومة  الورد  ..بالجو البارد أحب العطور الشرقية ودهن الورد أفضله بمراحل على دهن العود .. كريم اللافندر مو حقي بس شميت ريحته أخف من ريحة كريم الورد علشان جذيه اكتفيت بالورد

Girly .. Softness..  I’m seriously in love with it.. my hands deserves that rose cream

طالعوا قائمة المحتويات .. عجيبة كلها زيوت وأول عنصر الماي وثاني شي الشيا بتر يعني النسبة الأكبر لهم و Paraban and SLS free 

الحين نيي الأشياء الي تونسنا أكثر وأحنا نتسوق .. مسوين عليه خصومات وصار سعره حيل مناسب 

ummm *note to self* go back to take the shower gel also ;)

موجود في صفاة الغانم

who thought I would find the perfect rose hand cream there !?

Review: Redken All Soft

تذكرون لما سألت مره عن ماركة ريدكن وين ينباعون منتجاتهم ؟؟ هني .. مشكورين الي ردو علي وذكروا لي أسم كذا صالون أن موجودة الماركة عندهم .. الي صار اني رحت حق صالون ولقيت اللاين موجود عندهم بس العلب كان عليهم غبار وكان المفروض هالشي يردني وما يخليني اشتري بس لان مالي خلق ادور بمكان ثاني ولقيت الشامبو والكونديشنر الي ابيهم قلت طاف :\

الحين نيي حق التجربة :

الشامبو ريحتة مو حلوة كأنه في مادة قوية وانا ينوني ولا المواد الكيماوية الي ريحتها نفاذه لو تلاحظون من المنتجات الي اجربهم أحرص على الاشياء الطبيعية أول شي وما توقعت أن هالشامبو فيه أشياء قوية .. أول ما أغسل فيه أحسن أن شعري صج صارأنعم بس مو النعومة الي ناتجه عن ترطيب لأ كأن تغلف بمادة يعني أهوه صج ما ضر شعري بس ما سوا الأهم والمطلوب منه وأهوه أن يفيد شعري كلش ما استفدت بالعكس ما حبيت ريحته وما أحس أني أقدر أكمل استخدمه :(

الكونديشنر .. ما استخدمته إلا مرتين وهالشي ما يخليني أحكم عليه بس ريحته أهون على ناريل شكلي بخليه حمام الزيت لأنه الكوندشنر ثقيل أقرب للماسك ومو مال استعمال متكرر

أسعارهم مو رخيصة الشامبو بـ 6.30 والكونديشنربـ 10 :\ وألحين طاحو بجبدي واحتريت أكثر لما قريت تاريخ الانتاج من 2010 شدعوه الحين داشين 2012 و الي زاد الطين بله أن دريت من سايتات اجنبية أن مطورين هذا اللاين ومنزلينهم بشكل وتركيبة جديدة ليش ما يبون عندنا اللاين الجديد ويسون اب ديت كله يبيعون علينا الشي القديم وبأغلى الأثمان بعد >:(

My new hoppy

هوايتي اليديده .. طرا على بالي اتعلم الخياطة .. انا نهائيا ما اعرف اخيط وفي حصة الخياطه ايام الثانوية  اودي شغلي الخياط لاني ما احب اخيط وحتى الزرار ما اعرف اسويه ..  
المهم اشلون طق في بالي ابي اخيط ؟؟؟ ما أدري ؟؟؟
بما اني اعرف نفسي راعية هبات رحت انا وستار اندور لي مكينه خياطه مناسبة تساعدني في هوايتي اليديدة

وايد مستانسة منها الوانها بنوتية >_<

وتشب ليتات وحجمها صغير وسهله في الاستعمال ..علمني عليها البياع ومعاها برشور بعد يساعد

ما هقيت ان مكينة الخياطة سهله ومو معقدة مثل ما كنت اظن  ..

اول مشروع سويته بلعبتي اليديدة كان غطا حق المكينة نفسها ما يه معاها كفر وابي شي يحميها من الغبار
فسويت سيرج ولقيت طريقة سهله حق كفر المكينة

يعني عشتوا ابي اسوي مثلهم فقعدت و خيطت

والنتيجة
|

|

|

يعني مو مأساوية وااااايد .. كان عندي خام شاريته من ايكيا وقلت اجرب فيه

وكاهي يحليلها متدفيه وشزينها  :)

أمممم بديتوا هوايه يديدة مع السنة اليديدة ؟؟؟

تعرفون تخيطون ؟؟؟ ومنو علمكم ؟؟؟

ودي ادخل دورات تعليم خياطة وافصل لي سوالف وموديلات ابالي ..

Bye Bye Kodak

اليوم كل ما سمعت في الأخبار عن تفليسة شركة كوداك يضيق خلقي .. لأني من الجيل الي توثقت كل لحظات طفولتي ومراهقتي بأفلام كوداك .. هالافلام الأسطوانية الصفرا الصغيرة الي ما أدري شلون قايلة ونخاف نبطل الكاميرا إلا لما تلف الشريط ولا تحترق الصور :\ ولو تشوفون وناستي أول ما تعلمت أدخل شريط الفلم وأسكر الكاميرا وضبطت معاي وكم مرة زعلت وعصبت لما أروح أستلم الصور من المصور وألاقي نص الفلم محترق واقعد أطالع الصور بالنغتف جود ما احترقوا  وكنت كله ما فيني صبر من وأنا عند المصور أبطل الظرف وأطالع الصور لين أوصل حق السيارة .. وشكثر نوصي بعض نشتري أفلام كفاية لا يخلصون علينا بنص الحفلة أو الطلعة .. ذكريات حلوة أنا أعتبر سحر وحلاوة هاللحظات شي ما يتعوض .. بالله عليكم أكو أحد فينا لي الحين يقول بروح المصور أحمّض افلام الكاميرا .. كله نشوف الصور على اللاب توب وكلش كلش نطبعهم بطابعات الدجيتال  أهوه صج صار اسهل بس فقدنا معاه فرحتنا ودهشتنا بالصور لما نشوفهم أول مره  .. الله يا كنا نضحك ضحك على أشكالنا خاصة الي مغمضة عيونها وأعرف وحده كانت لازم نص الصور تشققهم لأنه كله مو عاجبها شكلها فيهم :))) الحين أسهل من الدليت ماكو ونصور الشغله ألف مره قبل لأ صورة أو صورتين بالكثير ولا الفلم بو 36 صور يخلص ;)

SORRY Kodak I forgot how wonderful you are, SORRY for being part of your bankruptcy problem

and

THANK YOU  for the memories, you made photographers of us all

bath and body works sale haul

Hello, Yellow

 

ايوووونس سيل باث اند بودي وركس لا يطوفكم

اللحين السيل وصل 75% كان 50% وشريت ايامها اشكثر اغراض لو ادري بيصير السيل اكثر ما تسرعت

المهم .. شرينا كاندلز طبعا ما عندنا شي مفضل فنوعنا حسب الي استحليناه

هذيلي خذيتهم معاي الدوام تعطيني بووست معنوي

وطبعا لازم بوشن اند لوشن ترطيبهم اييييينن 

ما شرينا عطوراتهم وسوالفهم الثانية لان امطفحيييييييييييين منهم 

شنو تحبون من شموعهم عندكم شي مفضل ؟؟؟

My small toiletry bag

I have a small toiletry bag that I carry with me all the time

حده قده يا دوب تشيل هالاغراض وبس .. ما أحب أثقل جنطتي ولو ان كل جناطي كبار " بطن جنه " لووول

 items inside my bag:

Contact lenses pair >> I need to do a post about contact lenses I need help in that matter I've tried most brands nothing working for me :(
lip therapy >> كله براطمي ناشفة
جليسوليد كريم للأيد << أحب حجم الكريم صغير واشتريهم من الصيدليات الي في أبراج البيت في مكة    

   mini antibacterial gel >> it's non scented I bought it for hajj and kept it

وآخر شي في جنطتي العنونة إضافة يديدة لقيتها في مركز سلطان

لقيت هالفرش الصغيرة للأسنان من كولجيت بدون ماي وفيها جيل للتنظيف والصوب الثاني فيها مثل عود الاسنان ما جربتها لحد ألحين بس اتوقع انها زينة حبيت فكرتها لما اكون برة البيت وأبي انظف اسناني بعد أكلة دسمة وفيها مادة للتبييض يعني حتى حق بعد شرب القهوة ما يتأثر لون الضروس

جذي شكلهم من الداخل كل وحده مغلفة بروحها ومافي تلعوز وعفسه

وعلى ما اعتقد سعرهم +800 فلس  وحصلتهم في مركز سلطان

TSC

new veggi station at TSC

what is this spooky mist thing ???

star was like a kid in the farm kept touching the mist and playing with it

love the greens

Oliberté...Africa Pride instead of bity

من المواضيع الي أحبها الشركات الي تخدم المجتمع الي تمارس نشاطها فيها من خلال أنها توفر فرص عمل وتسوي نقلة في حياة السكان .. شركة Oliberté صاحبها الي صورته على اليمين Tal Dehtiar جنسيته كندي .. كان يعمل في الأنشطة الخيرية من خلال مساعدة المشاريع الصغيرة في المجتمعات الفقيرة قبل لا يأسس شركته في أفريقيا .. قصته روعة شلون فكر أن يساعد قارة بأكملها

Oliberté الأسم مأخوذ من كلمة " liberty " و "O " من النشيد الوطني الكندي "O Canada"

ومن خلال هذا المشروع  حالياً نشاطهم في 3 دول أثيوبيا وليبريا وكينيا وراح يوسعون شغلهم إلى الكاميرون وكونغو وأوغاندا وزومبيا ..

يقول Dehtiar أن فكرة صناعة الأحذية في أفريقيا هدفها توفير مليون فرصة عمل وتوصيل صورة مشرقة عن أفريقيا بعيدة عن الفقر والفساد واستبدال الشفقة بالفخر .. ومهتم بجودة الأحذية المصنعة في أفريقيا تضاهي المصنعة في إيطاليا وعلشان جذيه يتعامل مع أصحاب المواشي الي متربين على الاعشاب الطبيعية وما تعرضوا لحقن هرمونات في أفريقيا ويأخذ منهم أجود أنواع الجلود ويستخدم المطاط الطبيعي من ليبريا ..

وهالشي خلا الناس تقارن Oliberté مع ماركة Tom's  الي تعطي طفل في أفريقيا حذاء مقابل كل حذاء يبيعونه .. ولكن صاحب الشركة قال أن تومز استخدمت أداة تسويقية رائعة ولكنها ما تساعد أفريقيا بالشكل الصحيح .. أولاً صناع الأحذية المحلية راح يتضررون لأنه في أحد غيرهم قاعد يوزع الأحذية مجاناً وثانياً تعزز الصورة الاستهلاكية مو الانتاجية للمجتمع ..  وذكر أن الناس لازم تفكر مو شلون تعطي مساعدات وتبرعات حق أفريقيا لازم يفكرون شلون يخلونهم ينتجون ويصير في فرص عمل لهم وهالشي راح يكون له تأثير أكبر بالمستقبل ..

وعلى الرغم من أن شركته جديدة إلا أنها لفتت انتباه مستوردين الأحذية ويقول شيء مثير للفخر أن أحذية مصنوعة بجودة عالية في أفريقيا مطلوبة بالسوق الأمريكي خاصة أن في واحدة من أكبر 5 شركات في انتاج الملبوسات والأحذية في العالم حابة تشتري منه العلامة التجارية Oliberté بس أهوه حاليا رافض العرض وعنده خطط لتطوير الماركة وحابة يكبر مشروعه ويضيف الحقائب والاكسسوارات ..

أتوقع أن هالماركة راح تنتشر خاصة أن الكثيرين ومنهم أنا يحبون المنتج الي له علاقة في خدمة الانسانية ووراه قصة ناجحة

تقدرون تطلعون أكثر على الماركة من خلال سايتهم هنا

washing feets and faces

Somewhere , out there , in this wonderful world there is a place where the groom washes his wife's feet as part of their wedding ceremony !!!! can you imagine that !!! uhh.. what a blessed pride .

my mind keeps having these images of a kuwaiti wedding and the groom entering the ballroom with his fellows and family and a "6ashet" popping in the end !!!! LOOOOOOOOL

well, thats another story ..

comming back to my post today about washing FACES.

I like having my pores clean and my face squeaky clean.. and I have some tools to ensure that ..

احنا كنا حاطين من قبل عن جهاز كليروسونيك ميا والجهاز البديل الي ارخص منه

هذولي الاجهزة هم نفس فكرتهم مع شوية اختلافات

الاول من نيتروجينا واسمه ويف اتوقع شفتوه بالجمعيات موجود والثاني من دوف

الاول الي من نتروجينا صارلي استخدمه من 3 سنوات او اكثر الحلو فيه حجمة صغير فسهل الاستخدام حق الويه والمناطق الصعبه فيه يوصلها بسهاله ، استخدمه غالبا لما احط مقشر على بشرتي احب ادلكه بهل الجهاز يساعد ان يشيل طبقات الجلد الميت اسرع واحسن.

عيوبه القطنة ناااااااااشفه اهو اصلا فكرته ان القطنة الي نلزقها على الجهاز منها وفيها صابون بس نحط ماي ونشغل الالة ترغي وتنظف الويه بس انا اضطر دايما اني استخدم المنظف مالي ما اعتمد على المستحضر الموجود بالقطنة .

له متوفر نوعين من القطن الوردي اهو العادي الي فيه صابون والنوع البرتقالي الي للتقشير بالنسبة لي جربتهم اثنينهم ما احس في فرق بينهم وااايد الاسفنجة المقشرة جدا خفيفة ما تحسين فيها وايد وكمية الصابون هم اشويه في الثنتين ..

جهاز دوف .. انا عموما احب صابون دوف فقلت اجرب جهازهم الحلو فيه كجهاز ان الصابون الي في الاسفنجة يرغي وااايد واتحسون الاسفنجة رطبه وبس تبللونها بالماي تعطي نتيجة انا شاريتهم من امريكا من زمان و للحين رطبين ..

حجم الجهاز كبير وهذي ميزه وعيب الميزة ان تقدرون تستخدمونه حتى للجسم وقت السباحة يساعد يدلك ويقشر بشرة الجسم وتصير انعم والعيب انه صعب استخدامه في منطقة الوجه راح يغطي العيون وما فية مرونة جهاز النتروجينا الي اتحكمين في مكان الاستخدام اكثر ..

وهم جهاز دوف اتوفر فيه نوعيات مختلفة من الاسفنج حق انواع الاستخدامات المختلفة للتقشير او الشد او مجرد تنظيف

انا عموما احب هل الاجهزة وصارلي سنين استخدمها واحسها ضرورية تقلل حاجتكم لعمل الفيشل لان تحسون بعد الاستخدام ان مسامات الويه انظفت وان البشره صارت مشرقه اكثر ..