L'occitane supports women day

احتفالا بيوم المرأة العالمي والي يصادف تاريخه اليوم 8 مارس ماركة لوكستيان منزلين صابونه فيها نسبة 55% زبدة الشيا ومصنوعة من نساء بوركينا فاسو و100% من عوائد بيع هاذي الصابونة تعود الي برنامج لمحو الأمية للنساء في بوركينا فاسو لأنه نسبة المتعلمين متدنية عنها وخاصة بين النساء .. انزين اشمعنى هالدولة بالذات لأنه مؤسس لوكستيان أكتشف مزايا زبدة الشيا عندعم وابتدى يأخذ منهم الشيا المشهورة فيها مستحضرات الماركة ..

سعر الصابونة 2 دينار .. ما ادري شسالفتي مع الصابون الي بدينارين أمس واليوم لووول .. حبيت أساهم والصابون شي اساسي عندي ومكونات الصابونة عجيبة واصلا هالماركة من الماركات الي احبها من زمااااان  لما كانت محلهم في سوق شرق تالي سكروا وردو فتحوا في الافنيوز  

والشغلة الأساسية مثل ما قلت حبيت أساهم لأنه المرأة مع الأسف الشديد لغاية ألحين مبخوس حظها مع أن الحمد لله شريعتنا الإسلامية حافظت على حقوقنا وخلتنا نفتخر بأننا نساء .. والشي الثاني الحمد الله أحنا في نعمة وعافية من الله قاعدة أكتب لكم هذا البوست من لابتوبي وكل وسائل التعلم في راحة ايدينا بداية من الموبايلات وهالشي متوفر للكثيرات ولكن في نساء في انحاء العالم محرومين من أبسط الحقوق .. مثلاً بوركينا فاسو نسبة التعليم أصلا متدنية وبين النساء  بنسبة أعلى .. هذا الشي يخلي الوحدة تفكر أنها تشكر النعمة بالمساهمة ولو بقليل ولكن أن شاء الله بيأثر  

وأنا اتمشى بالمحل طاحت عيني على هالكتاب العجيب والي يعتبر من أهم الكتب حق العناية بالبشرة @@ وعلى طول بست سيلر خذيته للكاشير على بالي للبيع !!

 لوول أضحك حسافة طلع كتاب المحل وحاطين مثل تاغ حق الصفحات الي فيها مستحضرات لوكستيان ومادحينهم 

هذا سايتهم يهبل لا يطوفكم هنا  

Marni for H&M haul + items for sale

 

 

 

 

اليوم تفتيحة مارني حق H&M  وكنت ناطرتها نطرة لأنه أحب ستايل مارني .. طلعنا الحمد الله بحصيلة ممتازة وااايد اشياء نبيها حصلناها بس مع اصابات طفيفة اكتشفناها بالبيت كدمات متفرقة اااخ  وطبعا خسائر مادية معقولة .. وشفنا ناس غير معقولة بالتصرفات ناس تخطر دور ناس وناس تخمط حتى لو مو قياسها .. بس للأسف ما حصلنا ولا شي من الاكسسوارات غير نظارة وجنطة :( بسرعة خلصوهم 

نيي حق المهم .. الي صار أن ديزي وأنا كل وحده فينا راحت فرع و الكوليكشن روعة وما قدرنا نطوف ولا شي علشان جذيه شرينا أكثر من قطعة مكررة  وصار في  قطع زايدة عندنا .. وفكرنا نعرضهم في البلوق لأنه ندري شكثر البنات حابين هالكوليكشن بالذات والي حابة تعرف شنو الي متوفر عندنا تراسلنا على ايميلي الموجود بالبلوق  والسايزات 14 و16 ..
lazystar@hotmail.com

Updates
thanks for all the mails that we got, all the items that where for sale are now sold out .. so thank you  

MY CYCLE

اليوم قضينا وقتنا في معرض B2BK وايد عجبني واكثر بوث استانست عليه MY CYCLE  عندهم ماركة skin care  أسمها 100% Pure  يايبينها من كاليفورنيا وأهوه محلهم الوحيد في العالم هناك 

الحلو فيها أنها بيور يعني لا مواد حافظة ولا داخلة فيها مواد غير طبيعية .. عندهم لاين للبشرة وثاني للجسم

في أنواع من الغسول حسب نوع البشرة وكريمات الترطيب وزيوت وسيروم وماسك وسنفرة وتونر

وبالنسبة حق لاين الجسم في أنواع من الصابون وسنفرة وزيت ولاين حق الصيف للتان وشكله بست سيلر عندهم لانهم عارضين منه كمية ويبين اهوه أول غرشة على اليمين في الصورة الي فوق

الي عجبني أن أصحاب المشروع مجربين الماركة ولما شافو منها نتائج قالوا حق أهلهم عنها وجربوها وهذا الشي خلاهم يتشجعون ان ايبونها والأحلى بعد أن أسعارهم حيل مناسبة عسى الله يبارك لهم تخيلو تبدي الأسعار من 2 دينار للصابونة إلى أغلى كريم عندهم بـ 11 دينار والباجي اعتقد بين 8 و10 .. أنا لو ما توني رادة من دبي ويايبه معاي كريمات ولا جان خذيت منهم بس أن شاء الله ناوية أدخل على سايتهم وأشوف بالضبط شنو يناسب بشرتي



عارضين على البوث مالهم صور عن ماركة 100% pure  وصور لمشاركتهم في معارض سابقة

لأني أحب الصابون أخذت لي صابونتين بجربهم .. ولما قريت عليهم عرفت أنهم نفس الشي بس الريحة تختلف  بسبب الزيوت العطرية وحدة على لافندر والثانية على اوكالبتوس

شوفو المكونات قليلة وطبعا كل ما قلت المكونات شي زين وتبين انها فعلا pure وكلها زيوت مفيدة علشان جذية اسمها butter soap فيها زيت جوز هند،و براعم الورد  وبذور العنب وزبدة الافوكادو .. 

هذا كرتهم فيه اسم سايتهم  هنا ورقمهم

وعندهم أكاونت في تويتر هنا



J.CREW

فيها شبه من جنطة سيلين ! سعرها 228$

موجودة في سايت الماركة هنا





Loreal perfect clean

شريت غسول لوريال من السوق الحره قاريه عنه من قبل بس ما فكرت اشتريه ما حب  كواليتي لوريال

بس هل المره قررت اشتريه لاني بجرب الاداه الي اتيي معاه واسمها  السكربليت 

اهي سكرب مطاطيه لينه ولها مثل الروؤس البلاستيكية تنمسك بين الاصابع وتحطين عليها الغسول وتبدين تفركين البشره فيها

الايجابيات

حبيييييت السكربليت وانتي تفكرين ما تحسين بشي مميز قاعد يصير بالبشره لانها ناعمة على البشره

بس لمن تغسلين الويه اتفاجأين بملمس الويه صج مثل مو كاتبين على العلبه ملمس مخملي

والويه ايتنور

السكربليت سهله بالاستخدام والحفظ بس اخلص منها اشطفها وارد احطها بمكانها بالعلبه اهي لها مثل الفتحة تركب فيها وهم اذا خلص البرودكت وقطيتوا العلبه اهي من ورا لها مثل الراس يلزق على المرايه او الطوفه

السلبيات

البرودكت نفسه او الغسول مكتوب عليه للبشره العادية والمختلطة بس احسه مخصص للبشره السوبر سوبر اويلي

لان ويهي يصير مشدوووود وانا ما حب هل النوعيه من الغسول الي تسحب كل الرطوبه من البشره وتنشفها

فصرت استخدم الغسولات الي عندي بديل عنه مع استخدامي للسكربليت

السكربليت اداه حلوة واحسن من الفرشه ام الشعر بالنسبه لي وقريت تقدرون تلاقونها في دايسو ايبيع نفسها بروحها بس يقولون ان مالت دايسو ياااابسه ناس تمدحها وناس تقول اللينه احسن وهم متوفره باحجام ..

تستحق التجربه





Marni for H&M

this is exactly how I feel about Marni for H&M collection

mine mine mine mine mine mine mine mine

Natural 101

قاعدة أتعلم الفرق بين المستحضرات الطبيعية والعضوية والحيوية والبيئية حابة اكتسب معرفة بهذا المجال .. كنت أدري أن في تسميات مختلفة بس ما كنت أعرف شنو الاختلافات .. طلع الموضوع يتعلق بنسب المواد الداخلة ونوعية الأسمدة والتربة وبعد إذا كانت الزراعة بالصورة التقليدية الي فيها مبيدات أو العضوية  بدون المبيدات ويدخل فيه بعد موضوع أنها خالية من السيلكون والبارابين والمواد الحافظة والعطور وأن ما تمت تجارب على الحيوانات أو ضرر على البيئة .. هاذي العلامات من أشهر الشهادات الي تنحط على المستحضرات وطبعاً في غيرها وايد .. شي زين أن نعرف حتى لو قليل من المعلومات عن المستحضرات الي نستخدمها ..

enjoy healthy lifestyle :)

Ben's cookies

إ ذا مسافرين دبي لا يطوفم ان تمرون على بينز كوكيز في مطار دبي ترمنال 3

لا مووووووو طبيعي .. من احلى الكوكيز الي ذقتهم في حياتي لحد اللحين ..

ريحتهم وهم طالعين من الفرن لا تقاوم واغلب الانواع حلوة وعلى ان حجمها كبير بس مو حاليه وااايد

احلى الانواع بالنسبة لي المليك شوكلت والتمر والناريل والزنجبيل والوايت شوكليت والي ما حبيتها البرالين دسمه شوي وشرينا تقريبا كل الانواع بس هذيلي الي ذقتهم الباجي ما جربتهم ..

دبي يا حلاتك دايما عندك المميز في كل شي الله يديم النعمه عليكم ويزيدكم من خيره 

  

Ace hardware beauty find

قريت في واحد من سياتات البيوتي عن تجربه وحدة حاطتها بخصوص ايدينها وانها كانت اتدور شي يرطبها وينعمها وبعد عدة تجارب طاحت على كريم في محل ايس هاردوير احسن من كل الكريمات الي جربتهم الغالية والرخيصه ..

فرحت ايس هاردوير ادوره ولقيته عندهم .. اسمه كريم الايدي العامله

ومخصص حق الناس الي يشتغلون بايدهم واايد مثل الحرفيين والعمال وغيرهم ويساعدهم على علاج ايدهم الي اتعرض حق عوامل تنشفها وتشققها ..



مكتوب عليه تركيبه مركزه تساعد على عمليه ترطيب وعلاج البشره وكيميائيا مختلفه عن كل انواع كريمات الايدين الاخرى والاستخدام يكون بالليل قبل النوم او بعد الشاور ..

الكريم قوامه غريب بس تمتصه البشره بسرعه وبدون ما يكون جريسي ومذكور ان بدون ريحه بس فيه ريحه ما حبيتها ريحه شي قديم او محزر .. ما ادري اذا الستوك الي في ايس الكويت قديم لان محد يشتريه والبرودكت قديم او هذي ريحتة البرودكت نفسه

الريحة تروح بعد فتره بس هذا الي مخليني ما استخدمه للحين ابي حل بالريحه لاني من صجي ابي اجربه واحكم عليه لان البنت واااااايد وااااايد تمدحه بس ما ني قادره اتحمل هل الريحه ما احبها ..

عندكم افكار او حلول تساعد ؟؟ 

Forever Youth from YSL

 وانا بمطار دبي لفت انتباهي قسم YSL منزلين لاين يديد اسمه الشباب الدائم .. وأقدر اقول من هل الكلمة انا قررت اني اشتري منهم اقتنعت 100% اني لازم يكون عندي شي من هل المجموعه .. البياعه ما قصرت كانت قصه بحد ذاتها واهي تشرح لي عن اللاين والتكنولوجيا الي وراه وسوت لي قصه ومثلت ابطالها وكانت جدا جدا كوميديه يحليلها .. يعني لو ما اقتنعت جان شريت بس على اسلوبها بالشرح كسرت خاطري الصراحه ..

المهم نرجع حق لاين الشباب الدائم فورايفر يوث كان محصله 100 سنه من الابحاث وحاز على 7 جوائز نوبل .. على قولة ستار اول مره ادري يعطون جائزة نوبل لابحاث الجمال .. الفكرة باختصار ان بعد ما دخلوا ال DNA الخلايا الجذعيه في كريمات الجمال ..يه دور الجلايكن بايولجي .. يمكن شكلهم واضح بستاند الماركة اهو شي يخص التخاطب بين الخلايا وتحفيز تجديدها وهذي الروابط تقل مع التقدم بالعمر (اهئ اهئ اهئ ) فتصير الخلايا ما اتحفز وتبدي عملية الشيخوخه .. هذا الاين غني بالجلايكن الي يساعد الخلايا على افراز منشط الشباب الي داخلها وان اتجدد وتحافظ على شبابها .. هذي بصورة عامة الفكرة وتقدرون تسمعون عن فكره هذا الاختراع الي نال 7 جواااااائز نوبل في سايتهم LINK

الاين فيه السيروم والكريم واللوشن وكريم العيون ،، اخرت آخذ الكريم لاني استهلكه اسرع ويخليني احكم عليه افضل .. فوايده من الاستخدام الاول نضاره وبعد اسبوع الترطيب بالبشره يصير افضل وتصيرالبشره ناعمه وبعد شهر اتحسين باختفاء التجاعيد وان الوضع العام للبشره صار احسن واختفت التبقعات ...انا للحين ما استخدمته وان شاء الله اذا استخدمته بحط لكم النتيجه في المستقبل اتمنى الاقي نتايج حلوه منه لانه مو رخيص وما بي يصير مصيره الركن مثل الكثير الي شريتهم وخاب املي فيهم فإن شاء الله اتمنى يناسبني واشوف نتايج حلوه منه ..

وعطتني هديه هذي الجنطه للميكب واايد حلوة استانس على هدايا مطار دبي ..

Spring come on

Pantone top 10 colors for the Spring/Summer 2012 season, I already saw the influence of these in Spring collections coming to stores.

Pantone link: here

Kenzo fresh spring

The new spring collection from Kenzo is soo fresh, young and casual, no wonder it's made by Humberto Leon and Carol Lim from open ceremony.. these are my picks loved the sun cap with floral band in the 4th and 6th pic, nice for muhajababe taking vication.. for full collection see style.com