25 September 2010

Cool Stationery

تمشيت في مواقع الانترنت ويمعت لكم جم شغله حق طلبة المدارس والجامعات علشان العام الدراسي الجديد


هذا القلم علشان تكتبون على ايدكم ويظل ثابت وما ينمسح الشي الي كاتبينه الا بمزيل المكياج ضد الماي .. من فوق براس القلم يرش مادة تثبت الحبر على ايدكم والصوب الثاني القلم حق الكتابة.


وهذا حق الي تحب تشقق الاوراق 3 في واحد قلم + شريدر + راديو F.M

وهذولا ينفعون حق ربع الايفون ستكر نوت على شكل الايفون وكبر حجمه بالضبط

وهذا الي عجبني فيه انه مواكب الهبه اليديه مالت التاتو الي يلزق على الجلد نفس تاتو شانيل .. بس هذا على شكل نوت صغير ومعاه القلم


وهذا الدفتر حق الي متعقدين من سالفة ان خطهم وكتابتهم كله برا السطر هذا الدفتر بكبره مخطط عوي ومتعرج علشانهم

واخيرا هذا الحاجز للكتاب راح يأشر لكم بالضبط على وين وقفتوا في الكتاب لما لاعت جبدكم ويمكن قعدتوا في هالسطر ساعه كاملة مو راضييين لا تفهمونه ولا تحفظونه .

6 comments:

رورو الشخبوطه said...

حبيت فكرة الاخير والصوره حلوه ذكرتني بنفسي ايام الامتحانات خخخ..

وينفع بوك مارك لرواياتنا وكتبنا الحين..

مشكوره..

Unique Girl said...

الأغراااض حددهم يشووقون وخاصه الي يأشر على الكلام والكتاب

يعطيج العاافيه والله

star said...

رورو

اهلين..وااايد صارت تطورات على البوك مارك بس انا لي الحين اجفس الصحفة وما اعترف بالبوك مارك

حيااااج

star said...

uique


حياااااج والله يعافيج

:))

نـ(المطيري)ـازكـ said...

حسيت ان في جم شغلة حق البراشيم هههههه

هم انا حبيت الفكرة الاخيرة نفس نظام الفواصل من اي موقع ..؟

star said...

نازك

اي صح حتى انا فكرت جذيه

;)

والله ما اذكر اي سايت سوري

حياج الله