31 October 2011

أيتام غزة


هل تعلم ؟؟

أن أهالي غزة يودعون يومياً شهداء يخلفون ورائهم أيتام وأرامل تحولوا بين عشية وضحاها إلى قائمة تضمهم لإيجاد معيل يعينهم ..

هل تعلم ؟؟

أنكم بمساعدتهم لهم يتغير حالهم بإذن الله بعيد عن العوز والفقر ويتغير حالكم بأنكم ستكونون بصحبة سيدنا محمد صلى الله عليه وسلم " أنا وكافل اليتيم كهاتين في الجنة وأشار بإصبعيه السبابة والوسطى " ..

هل تعلم ؟؟

أن الكفالة مهما كانت قيمتها المادية فقيمتها المعنوية اكبر بكثير تساعد فيها على أن ينشأ اليتيم في غزة على الحب والتآخي بين المسلمين ..

هل تعلم ؟؟

ذكر الله سبحانه وتعالى لفظ اليتيم ومشتقاته في القرآن الكريم ثلاثة وعشرين مرة .. كدليل على أهمية الانتباه للأجر العظيم الذي سيناله من يعتني بهم ويرعاهم ..

أخواني وأخواتي .. الدال على الخير كفاعله ونحن الآن في العشر من ذي الحجة موسم الطاعات والخير والبركة  والعطاء الجزيل من الله ..  ولجنة فلسطين الخيرية التابعة للهيئة الخيرية الإسلامية العالمية لديها قوائم تضم العديد من الأطفال اليتامى من قطاع غزة  وهم على استعداد أن يرسلوا لكم مندوب لتتم كفالة اليتيم في الغالب عن طريق استقطاع شهري أين ما كنتم في البيت أو في الدوام.

رقم هاتف الهيئة
1808300
الموقع الإلكتروني

30 October 2011

unlock your heart



found this blouse inspired from the beloved Keys Collection by the little blue box company  "Tiffany&Co"  *my personal Favorite*  .. loved the idea
where: la mode - Zahra Complex
price: 183 KD 


21 October 2011

review: BB creams





BB cream Land
every where you go their are raks and raks of BB creams .. many many brands and many many promises of softer, whiter,yunger skin

But I'm addicted :)



من الماركة الكورية SKIN79 شريت ال SUPER + بي بي كريم
اول واحد الذهبي يكون wrinkle improvement + whitening
الفوشي يكون wrinkle free + whitening
اثنينهم لونهم واحد يعني نفس الدرجة وتقريبا اقدر اقول لهم كيكي كفور يعني البي بي كريم شوي ثقيل
الذهبي : مكوناته الذهب والكافيار لبشرة مشدودة نظرة وجلوي بالاضافة الى زهرة الشمس ومسحوق الارز والايفي لترطيب البشرة وحمايتها
الفوشي : الفوشي نفس مكونات الذهبي بس من غير الذهب والكافيار


بي بي كريم جارنير .. 10 كريمات في واحد بخلاصة الليمون للتبيض وتصفية البشرة .خالي من العطور والزيوت علشان ما يسكر المسامات وما يسبب حساسية ودرجة الحماية 26 +++ يساعد على التبييض وإزالة البقع الداكنة والترطيب و يخفف الاحمرار والحساسية ويصغر المسامات ويخفف خطوط التجاعيد ..
مايبلين بي بي كريم بالمعادن ..8 كريمات في كريم واحد .. خالي من العطور والاويل .. يبيض ويوحد لون البشرة وينعم ويصغر المسامات ويخفف الاحمرار يرطب البشرة الحلو فيه ان منه درجتين يعني يعطيك اختيار تختارين شي انسب لك ..
واهو اكثر واحد حبيته لسبب ان صج يبيض لمن احطه احس بشرتي مرتاحة كأني نايمة 10 ساعات وبعد ما اشيله بشرتي صج صج بيضه يعني تفتيح ملحوظ ..يعني هذا الي اكيد راح ارجع اشترية .

نازل منه بي بي كريم يديد على فوم  انصحكم تجربونه


 

18 October 2011

Beauty Vending Machine

This is interesting
 Have you seen a makeup or skin care vending machine before .. That is something I would actually want to see in Kuwait airport a7san min the old small Duty free they have ^_^






 

16 October 2011

review : skin food

 


اليوم بسوي لكم رفيو عن ماركة سكين فووود ... وااايد سمعت عنها وواااايد يمدحونها .. بس ما كنت مسجله شغلات معينه منها ابيها كنت عشتوا مقررة ابسط في البوتيك مالهم واتنقى على كيفي .. بس الي صار اني في آخر جولتنا وبس بنطلع من المول واذا المح محلهم
 @@ 
فلما دخلت محلهم في ماليزيا كانوا ينطروني بره ملوا مني من كثر ما دخلتهم محلات بيوتي >_<
فشتريت للاسف شغلتين منهم وللاسف لان الماركة اتهبببببببببببببببل
واااايد حبيتها بالاستخدام صج حلوة


خذيت غسول المندرين والبارسلي
السبب لاني كنت شايفه من ماركة ثانية ستار شارية منها برودكت بالبأدونس ( احب اقول بأدونس ما ادري ليش :ّ )
والمندرين والماركة كانت غالية فلما شفت نفسها وارخص قلت بس لقيت الي ابي
الغسول بالبقدونس الي غني بالفيتامينات والمندرين الي يخفف من الدهون والبابونج الي يهديها
وااايد حبيته بشرتي تحسنت عليه و ريحته ما تعطي لا ريحة بقدونس ولا ريحة مندرين يمكن اقرب للبابونج
كنت اتمنى تكون ريحته على حمضيات اكثر بس يمكن بعد فترة تلوع جبدي منها واقطه .. ما ادري فاحسن كما هو


وشريت ماسك الحبة السوده .. احب اي شي فيه حبة البركة اتفائل فيها واحب ريحتها
الماسك حراري يعني بس تحطينه على ويهك راح تحسين بحرارة وكل ما دلكتي يسخن اكثر مكوناته الملح المحمص والشكر وحبيبات الحبة السودة ..هم حبيته يخلي البشرة نااااعمة نفس طريقة السكرب الي بالشكر مع زيت الزيتون اذا تعرفونه
بس من غير زيت بس النتيجة سوفت سوفت سوفت


الماركة كورية بس لها فروع في عدة دول

في لها فروع في دبي بالغرير والفيستفال وبن بطوطة
بس ديروا بالكم اذا بتطلبون لان بعض منتجاتهم تستخدم فيها  البير والواين والساكي
انا السامبل الي عطتني اياه البياعه الدايخه فيه ساكي
فقطيته للاسف

14 October 2011

Wartner


من فترة طويلة طلع على صبع إيدي ثالول :(( وجربت كل الطرق الي توخره وهم ما راح  .. جربت الكريمات وحمض السلسليك وكورسات الكي بالنتروجين السائل  والمراجعة بالخاص والحكومة .. أكثر شي يخلي الثالول يختفى لفترة طويلة أهوه الكي بس مع ذلك يرد لي مره ثانية بعد ما يخلص الكورس هذا غير أن لازم أسوي الكي في عيادة الجلدية وأحنا تابعين حق مركز أسعد الحمد في الصباح فصج عنوه علي .. حتى مره قلت للممرضة ما يصير تصبين لي شويه من هالنتروجين أنا اسوي حقي فالبيت خلاص عرفت الطريقة وما يبلها شي .. طبعاً الرد المعتاد ما يصير ولا زم أحنا سوي لكم .. هذا غير في كل مره لازم أدخل على الدكتور وأنطر بالدور علشان يشوف صبعي مللوني  .. والمشكلة في الثالول أنه صج كريه ما يروح بسرعة وحتى اذا راح يرد يطلع لي مره ثانية بنفس المكان ولا كأني سويت شي أو كووه لي  :(( ولما اسألهم يقولون لأنه ما وصلنا الي الجذر لما نوصل له ويموت راح يختفي للأبد متى هالشي الله اعلم ؟؟؟ مرات ما اكمل معاهم العلاج لأنه أمّل كل شوي رايحه ويضيع يومي بس بالعياده بين نطره الدكتور ونطرة السستر الي تسوي العلاج :((

عاد لما كنا في ماليزيا لقيت في الصيدلية هذا wartner  شنو مكتوب عليه ؟؟ تبون علاج للثواليل بالكي نفس الي يسونه لكم بالعيادة بسهولة وفي بيوتكم ؟؟ طبعاً انا فرحتي فيه ما تنوصف على طول خذيته ولما جربته طلع صج سهل وفعلا نتروجين سائل نفس الي يحطونه لي في الجلدية !!

شلون ؟؟ العلبة فيها سبراي صغير داخله النتروجين ومعاه في مثل الغطاء الي يتركب عليه عود اسفنجي اركبهم علي العلبة واضغط يمتلي العود بالسائل وبعدين احطه على الثالول وخلاص  كأني مسويه جلسه الكي بسهولة وفي البيت

ترددت وايد قبل لا اكتب هالموضوع بس قلت يمكن أحد يبي علاج الكي مثلي بالبيت وهذا الشي راح يفيده .. واذا ممكن تساعدوني في احد طلع له ثالول وقدر يعالجه شنو  كان العلاج ؟؟ ابي في دكتور أو عياده او حتى دواء زين للثالول سامعين فيه ..

هذا سايت العلاج  هنا 

13 October 2011

Naruko


This man is Niu'er the famouse Taiwanese dermarologist and beauty Guru and the faunder of the most popular asian brand Naruko which means: "Love yourself" in japanese.

Main features of Naruko products:

- All products contain Phytoferulin®, an ingredient that is patented by Naruko. Phytoferulin® enhances the skin's natural defense system using 10 different organic plant extracts certified by ECOCERT (France). It prevents pigmentation and environmental stress on the skin, and provides antioxidant and whitening effects, renewing the skin from within.

Products involves labs from all over the world, including Taiwan, Japan, Spain and USA.

Environmentally friendly. Products do not contain Paraben, artificial fragrance or colouring and are not tested on animals. Furthermore, the product packaging have been specially designed to be recycled (as pencil cases, etc) to reduce waste!

منو هذا ملك البيوتي ؟؟ او البيوتي جورو على قولتهم  اهو دكتور جلدية تايواني كان عنده اهتمام بالزيوت العطرية وقدراتها العلاجية وفتح له مختبر في فرنسا وبدا يصنع مستحضرات تجميلية ويسافر روسيا واليابان يبحث في احدث واحسن مكونات العناية بالبشرة الطبيعية ..
شفتوا هبه الهايلوريك اسيد المركز اهو الي بداها ..
شفتوا هبة الماسك الليلي الي تنامون فيه او النايت جيلي اهو الي بداها ..
ماركته تبيع اكثر سوني وابل وماركات عالمية ثانية في اسيا  ..

ابيييه .. يعني ما اذكر في ماركة عناية  ابي اشتري منها كثر هذي الماركة من كثر ما اقرا عنها واشوف لها رفيو باليوتوب
الماركة متخصصه تقريبا بالتبييض بس تبييض آمن باستخدام مواد طبيعية .. 

ولان كل شي عاجبني من هل الماركة وودي اطلب كل السايت  ..اخترت المجموعه الي اهو مختارها على انها المست هاف وطلبتها من سايت الماركة الامريكي 
اشوه انهم افتحوا سايت انجليزي اول ادخل سايتهم الاسيوي وما كان فيه كلمه وحدة مفهومة ..

  
اهمه عندهم تقريبا 10 لاينات عناية كل وحدة حسب المكون الرئيسي للمجموعه
وتختلف من التبييض للترطيب لمعالجة حب الشباب او العناية الشاملة
انا خذيت هل ثلاث مستحضرات بعد بحث طويل واكتشفت انه اهو مختارهم كافضل البرودكت في المجموعات كلها
ويكملون بعض



Job’s Tears Whitening and Cooling Night Gelly

ماسك الليل المشهور الي حاصل على جوائز .. اهو فكرته ان ليش الوحدة تستخدم الماسك وتشيله بعد ربع ساعه او عشر دقايق ؟؟ ليش ما تنام فيه وتستفيد من الخواص الي فيه اكثر فصمم لنا ناركو هذا النايت جلي الي ينحط كخطوة اخيرة في روتينك الليلي بعد الكريمات والسيروم وكل شي تحطينه وتنامين وتصبحين على بشرة صافيه ومتألقه
يبيض ويعالج ويرمم البشرة ويغذيها ويرطبها
وعلى فكرة في نفسه ماسك حق منطقه العين يمدحونه للي عندهم مشاكل في هل المنطقة




Marjoram and Lavender Brightening Serum

سيروم حاصل على جوائز للتفتيح يرطب ويبيض ومضاد للاكسدة ومرمم للبشرة فيه مواد تعالج البشرة وتصلحها وتوخر التبقعات الي فيها من الداخل مو بس السطحية وتقوي البشرة علشان تقاوم عوامل الشيخوخة وتقدم السن


Narcissus Night Repairing Dew

حاصل على جائزة احسن تونر سنة 2010 عبارة عن علاج مكثف للبشرة مساءا من اضرار التعرض للشمس والتلوثات البيئية
ويغذي ويرطب البشرة ويوخر الاحمرار والحساسية الي بالبشرة


مثل ما تلاحظون التغليف حده بسيط واهو متعمد هل الشي علشان يصير السعر ارخص و ان تدفعون فلوس المستحضر مو الباكيجينج
والتغليف ابيض من بره بس من داخل فيه نقشات وتحديدات علشان تتبعونها وتقصونها وتعيدون استخدام التغليف كعلب يعني ريسايكل وشي مفيد للبيئة .. وناسه انا سويت العلب ملوتي واستمتعت وانا اركبهم 



الماركة حدها اتهبل كفكرة وكمكونات يعني الليبل متروس زيوت طبيعية ونباتات وخلاصات اعشاب شي عجيب الصراحه
 ما شفت نفسها من قبل وعندهم قطن خاص غريب عجيب متفتق فيه ناركو وبعد  بي بي كريم كنت ادورهم لما رحت ماليزيا بس ما حصلتهم واللحين توهم من اسبوع نزلوا هذي الماركة في واتسن بماليزيا يعني للاسف ما لحقت عليها
علشان جذي تذكرت اني ما سويت رفيو عن هذي الماركة لكم من قبل .. صج ليزي 
^_^   

12 October 2011

Soap &Glory fab pore hot cloth cleanser review



نازل في بوتس من ماركة soap & Glory هذا الغسول الجديد .. عباره عن غسول كريمي يحتوي على مجموعة من الزيوت مثل اللافندر والبانثنول واللوز .. الي كان عاجبني فيه أنه فكرته بالضبط مثل فكرة غسول ثاني مشهور من ماركة ليز إيرل هنا في سالفة ان ايي مع الغسول قطعة من القماش الخفيف (الململ أو الموسلين) واهي الي تنظف الويه عدل من كل شي وتساعد في تقشير خفيف للطبقة الميتة على البشرة  .. أنا حيييل عاجبني غسول ليز إيرل لأنه كل بلوقات العناية بالبشرة يمدحونه ويتكلمون عنه .. وفي سايت الماركة بست سيلر وفي التوب تن عند كل مجلات ومواقع التجميل .. علشان جذيه قلت أجرب هذا الغسول من بوتس دام أنه متوفر هني في الكويت ..

طريقته .. توزيع كمية من الغسول على ويهج وتدلكينه لمده 1-2 دقيقة وبعدين تحطين الفوطة الصغيرة في الماي الحار بس مو حار وايد للدرجة الي تتحملينها وتبدين تمسحين الغسول عن ويهج فيها وكل شوي تردين تحطين الفوطه بالماي وتردينها على ويهج .. في باليوتيوب كذا وحده حاطين شلون يستخدمون الغسول والفوطة ..

رأيي بعد التجربة .. الغسول حيل كريمي ابدا ما يرغي وافضل انظف بشي يطلع رغوة .. الفوطة عباله كل شوي احط فيها ماي واعصرها وما احب الماي الحار على الويه  يفتح المسامات .. وبعدين بعد التنظيف ضروري اغسل الفوطة بالصابون علشان تصير نظيفة حق الاستخدام الياي .. ومرات اغسل ويهي بالصابون بعد كل هاللويه لأنه الغسول ما يرغي .. وكتنظيف صج ويهي يصير ناعم وما يتحسس لا من الغسول ولا من التدليك بالفوطة .. بس صج صج عباله .. أفضل الكليرسونيك بواااااايد على هالغسول بكل شي كتنظيف للويه والسرعة  وأهم شي سهولة الاستخدام وتنظيف الجهاز ما ياخذ وقت كلش

واخر شي الفكرة مو يديده تذكرت بعد ما جربت هالغسول اني مجربة من قبل يمكن 7 سنين من ماركة كانيبو كان عندهم زيت لتنظيف الويه وتشترين معاه فوطه من عندهم لي الحين يبيعونها .. تدليك الزيت على البشرة والفوطة بالماي الدافي على الويه كانت فكرة الفوطة حلوة بس ما حبيت الزيت لنفس السبب أحب الغسول الي فيه صابون ويرغي

Birkin-ish




الصورة الأولى : محل وايد حلو في Gardens Mall ماليزيا  لقينا فيه هالجنطة المستوحيه من birkin .. وشفت هاليومين في البلوقات انها صارت موجوده بالكويت سايت في facebook عارضينهم
الصورة الثانية : لفتت نظرنا وحده آسيويه في Pavilion Mall  شايله هالجنطة الحلوة الي كأنها من ورق الكرتون غريبة مو جذيه .. لما سألتها من وين قالت لي من هونغ كونغ .. ويا حليلها خلتني اصور جنطتها و اصور التاغ مال الماركة علشان اعرف اسمها سويت بحث في غوغل بس ما حصلتها ..
ماكو صورة: شفنا وحده في الأفينيوز لابسة حزام ومركب عليه بيبي بيركن كبر الجف شكل الحزام يشوق

شرايكم في هالستايل من الجناط الي مستوحينها من البيركن ؟؟

09 October 2011

Copying Kate's dress


شفت في ديبنهامز هالنفنوف وعلى طول تذكرت نفنوف عرس كيت .. قلت في بالي اكيد مستوحينه منه ، وطلع هالشي صج دخلت على السايت ولقيت ان ديبنهامز سوى مجموعة مستوحينها من لبس كيت وأختها بيبا في العرس حتى العارضة الي مختارينها تشبهها ..
الي بخاطرها النفنوف وتبي تلبس نفس ستايل كيت كاهو موجود ..  

What I found at Daiso

شنو لقيت في دايسو ؟؟


عيون متحركة للألعاب .. وايد حبيت شكلهم .. بخاطري اشتريهم واركبهم على اكسسوار أو جنطة عندي أفكار حقهم


خرامات على أشكال
 
خرامة على شكل ستار .. يا زينها


وطبعاً أكو خرامة على شكل ديزي .. يا حلوها


شريط كلفة


زراير موديلهم حده ريترو


كلفة كروشيه .. كيوت 


 متر القياسات على رول .. كنت شاريه نفسه من بركات بس قصيته بالغلط بالمقص واخترب وهذا ارخص من الي عند بركات



ميني علب عدة خياطة .. ينفعون ينحطون في درج المكتب  


مقص غريييب على شكل ملقط ما أدري شحقة ؟؟

 
سنارات حياكة الصوف .. غرامي هالحياكة وكل سنة أكود بالصوف والأبر واحيك بس ما أكمل وما اعرف اسوي غير الشال الصوف صج اعرف اسوي كذا لون مع بعض بس أكثر من جذيه ما اعرف اتفنتق




نظارات شمسية .. شحليلهم كبااااار ستايلهم ريترو .. انا ملاحظة دايسو ستايله كلاسيك أو ريترو ماني قايله داثر لأني مستانسه على سوالفه
 

مشط  للشامبو ؟؟ اتوقع للكونديشنر أو الزيت يمكن بس مو الشامبو يعني منو عيزان يدلك شعره بالشامبو ؟؟ .. والفرشة الزرقة الأولى على اليمين عندي نفسها من بودي شوب  زينة حق تنظيف الويه اليدوي مع الغسول .. طبعاً الحين أكشخ عندي كليرسونيك ;)



هذولا عبارة عن حرير طبيعي يتنقعون بماي حار وبعدين تدلكون فيهم الويه لتنظيف المسامات خاصة صوب الخشم أو الأماكن الي فيها مسامات .. شريتهم وجربت وحده وما عرفت لها :(



هذولا أنواع من الماسك شيت .. تاخون التونر أو السيروم المفضل عندكم أو مثلا ماي ورد بارد أو زيت اللوز الدافي وتغطسون الماسك شيت فيهم وبعدين ينحط على الويه .. متعدد الاستخدامات و واايد مفيد


عدة ترتيب الحواجب .. أنا الحمد لله ما أحف حواجبي نهائياً بس عجبتني هالمجموعة لترتيب الحواجب


 يسمون الاكستنشن  شوشو .. لوووول وين شوشتج ؟؟


 ونيييييس هالدايسو .. بماليزيا عندهم دايسو ويبيعون فيه أكل بعد :)