25 November 2011

Review: Aesop Parsely Seed Serum


ماركة Aesop ماركة استرالية ومنتجاتها طبيعة ونباتية .. وكل مستحضراتهم في غراش جزاز ولهم قطارة من فوق كأنهم محاليل المختبرات واايد بسيطيين ويعبرون عن توجه الماركة بالاهتمام بالمستحضر نفسه مو بسوالف التغليف والكشخة.. للأسف أخذت منهم شغلة وحده بس كتجربة لما كنا في ماليزيا وصار لي حوالي شهرين تقريباً قاعدة استخدمه .. والنتايج واااايد عاجبتني .. بشرتي تعتبر جافة الي مختلطة وفوق هذا حساسة  ..

Parsley Seed Anti-Oxidant Serum Concentrated hydrating serum for dry, combination and sensitive skin.An exceptional moisturiser that hydrates, smoothes, softens and protects facial skin using a complex blend of anti-oxidant ingredients. Perfect for use in humid climates.source: here


سيروم بذور البقدونس أهوه مضاد للأكسدة يعني يساعد خلايا البشرة أنها تحافظ على شبابها وحيويتها .. أنا أخذ منه قطرات قليلة أهوه ثقيل وفيه لزوجه بس لما أوزعه على ويهي بسرعة تشربه بالبشرة ولازم مرطب فوقه بس من النوع الخفيف مو الثقيل لأنه لاحظت أذا حطيت فوقه مرطب ثقيل تبدي تطلع لي حبوب .. وأفضل المرطبات الي حسيتها وحيل تلائمت مع السيروم مرطبات ماركة سيسلي (يبيلي اسوي رفيو عنهم)  وطبعاً هالشي من نفسي قررته ليش؟؟ لأنه ماركة سيسلي مستحضراتها طبيعية ونباتية فحطيت في بالي أنهم يكملون بعضهم .. والنتايج مثل ما قلت ممتازة بشرتي أحسها صارت أقوى شلون ؟؟ يعني أول اتحسس من كل شي كل عوامل الجو اتحسس منها، كل المنظفات اتحسس منها، الأكل حار\ بارد اتحسس منه، ووايد اشياء كنتيجة للوردية (الروزيه) طبعاً !! ألحين وايد أهون مو مثل قبل .. طول ما انا استخدم هالسيروم مع مرطب سيسلي بشرتي أن شاء الله بخير وراحة ما حسيت فيها من قبل .. 

الغرشة كبيرة يمكن فوق 100 ملل يعني ممكن تظل معاي شهرين بعد .. صرت وايد اثق في هالماركة واذا صارت لي فرصة أجرب منهم أشياء ثانية ما راح اتردد

 سايت الماركة : هنا


1 comment:

Shaikah said...

الحمدلله انه بشرتج ارتاحة علية وان شاء الله جربة لانه بشرتج تقريبا نفس مشاكلي