19 February 2012

Soap Review

The hardest part of shopping online for soap is that you have no clue what the soap looks alike. you’re forced to trust the descriptions given by the seller and people reviewing it. I usually buy soap online that I used before and liked, but this time I was clueless of what I"ll get.. Now to the looooong details I always have a little story to tell you guys .. e77mm


شفت صابونة في الانترنت وعجبتي فكرتها أهي تعتبر أغلى صابونة في العالم  سعرها تقريباً 35 دينار .. وميزتها أنه فيها فضة صجية و4 أنواع كولجين وزيوت أورجانيك وراح تغنيك عن استخدام الغسول والتونر وحتى الكريم المرطب لأنه فيها ترطيب ..

الحمد الله ربي يحبني أن فيه حجم صغير منها للتجربة مكتوب تكفي شهر من الاستعمال صبح وليل وسعر الصابونة الصغيرة 10 طلبتها مع التوصيل صارت 15 دينار ..

نيي حق الرفيو الصجي .. ريحتها مو حلوة تشيب كأنها ريحة الصابون السائل الي بالمولات والمستشفيات ريحة سخيفة ما أحبها مع أنه بالرفيوز الي قريتها مكتوب أنها فروتي وعلى رمان بس ما حسيت بهالشي الناس أذواق ..

لما ترغي تتحول كأن حاطة على ويهي معجون أبيض ما أدري شلون الرغوة تصير سميكة حيل كأنها كريمة بيضة والمفروووووض حسب طريقة الاستخدام أن أخليها من 2 إلى 5 دقايق بس أنا أحطها وأغسلها على طول ما أتحمل النطرة من له خلق!!

النتايج ... صار لي أسبوعين أستخدمها كغسول يومي الصبح وبالليل وأول الأيام  كان في مثل a slight itch or tingle ما أعرف شلون أوصف عدل يعني مثل تغزز أبر ويروح بس أدهن ويهي بالكريم المرطب .. والصابونة تنشف وأطلعت تفيد أكثر الي بشرتهم دهنية لأن الفضة مضاد للميكروبات وانا بشرتي تميل للجافة .. المشكلة وين ؟؟

 بدأت تطلع لي حبوب !!!!؟؟؟؟؟


شلون وليش المفروض هاذي الصابونة تعالج تقريباً كل مشاكل البشرة أنا ليش صار معاي العكس وسوت لي حساسية .. no idea

هاليومين ما استخدمها وإذا استخدمتها مرة وحدة باليوم لان متحسفة على سعرها وما ابي احكم عليها بسرعة ابي استمر بس والله بشرتي انعفست والمشكلة تطول على ما ترد تتسنع


كل هذااااااا بصووووووب وسالفة أن الفضة لها أعراض جانبية شنوووووو ؟؟



يصير لون الأدمي أزرق الله يكافينا الشر .. والله صج حاطين صور وأذكر مرة طلع في برنامج وانا شايفته وأسم الحالة arygyria
صرت كل مرة عقب ما أغسل ويهي سيده أطل على روحي بالمنظرة أشوف بدا يقلب لوني .. ما يسوا علي صح
مع أن مأكدين ان نسبة الفضة بالصابونة ما تخوف وFDA approved وكل الي استخدموا الصابون ابداً ما اشتكوا من هالموضوع وحابينها ويمدحونها وعلى حد علمي مافي أحد تغير لونه وصار أزرق .. بس مو متطمنه يمكن على حظي أطلع انا 0.0001% الخطأ تصييييييييير عاد صج لوني المفضل الأزرق بس مو لي هالدرجة

شرايكم استمر واقوي قلبي ولا أوقف ..... من خاف سلم ومو معجبة بنتايجها وعطيتها فترة تجربة اسبوعين كافي عليها صح ؟؟؟

شرايكم

15 comments:

Anonymous said...

you can only turn blue if you ingest silver for a long period of time (years) but putting it on your skin (like silver jewelry) is not a problem.

star said...

Hello Anon :)

I know believe me I read all about it and know that it's a side effect of ingesting silver

ONLY later to find there was one case of a man who developed slight argyria after 23 years of use of a modern FDA-approved topical medication containing silver.. you see it could happen after continuous topical use of silver

bent el deera said...

انا اقولج دام ما ارتحتي منها بطليها
وسبحان الله من جسم لي جسم يفرق فاللي ينفع معاهم مو شرط معاج

:)

RuBY_GLooM said...

that is really intresting soap to use. but personally will not try to. cuz I'm still suffering from the alergy I got from the HD foundation.

رورو الشخبوطه said...

عن نفسي ماحب استخدم الصابون الصلب لبشرتي لانه حساسه وبسرعه تجف من الصابون..

ودام اسبوعين مافدتج احس مدة كفاية ولا ضرتج بعد وخايفه منها..

فانصحج ماتكملين ..

وعليج بالعوض ..

star said...

bent el deera

أي والله مو مرتاحه لها بس قاعدة اقنع نفسي فيها غصب :\

star said...

Ruby:

7abibtee ma teshofeen shar enshallah :((

ee I was going to buy it but after what it made to you khala9 I took it off my head and it's agood example that not every thing in the top ten or most favorite by sooo many people will be great 2 us also :((

star said...

رورو :

لووول غريبة عاد انتي كله تشترين صابون؟؟

أنا عيل عكسج أفضل الصابونه وصابونتي المفضلة دوف البيضة يا حلوها رخيصة وتهبل ما تضر البشرة

أي شكلي بوقفها ما يسوا على صابونة

آمين مشكورة رورو:***

رورو الشخبوطه said...

استخدم الصابون لايدي مو لويهي ..

حتى جسمي ماحب لانه مالي خلق احب السائل له :)

Anonymous said...

شكلها غريب مدوره وكبيره آحس صعبه بالاستخدام. عموما احس الصابون و الغسول ما يفيد كثر الكريمات لان يبقى على البشره فتره بسيطه فيمكن يتفع للتنظيف بس

SiLeNTGRL said...

وي لو منج اقطها شبي فيها واذا منغثة من احد اعطيه علشان يتشوه ويصير ازرق لووووووووووووول
انا صابونة ويهي المفضلة صابونة الغار ومااستخدم غيرها جني عيوز ولا احب اجرب صابون على ويهي والصراحة وايد مريحة بشرتي

star said...

anon:)

لا مو كبيرة كلش يالصورة مبينه عودة لاني مقربة عليها وصح مدورة كأنها كرة يعني موديل :/

اي الغسول أقل فايدة من الكريم بس مكمل حقه

star said...

SiLeNTGRL

هههههههه لا حرام قويه اخاف يشتكون علي

لا عيوز ولا شي المهم انج مرتاحة عليها
صج صابون الغار زين؟؟ من وين تشترينه من الحواي ولا من الجمعية يعني في ماركة معينة؟؟

SiLeNTGRL said...

يا اييبه من لبنان او اوصي احد من سوريا
اييب كمية والصابونه مشالله تعمر تقعد 4 اشهر يالله تخلص وساعات 6 اشهر يعني الكمية اللي ايبها تكفيني بو جم سنة لووول ماشريت من الكويت
بس الحين متوفر بالجمعية وفي بيت الصابون جنه بالافينيوز
وساعات بمعرض العطور بس مااشتري لان عندي وايد لوووووووووووووووووول
اللي علمتني عليه كانت عندي عميلة لبنانية قالتلي خلي الصابون واستخدمي الغار وحدة لبنانية معاي بالدوام قالتلي ئي احنا على هالصابون بشرتنا حلوة ومااصدق خبر ومن يومها واهو صديقي صج بشرتي وايد احسن من قبل ماقام يطلع فيها حبوب او تحسس حتى خواتي وامي صارو نفسي لووول

lazy dazy said...

SiLeNTGRL

ما شاء الله عليج شي طيب والله يبيلنا نجرب هالصابون وان شاء الله بشوف وين يبيعون احسن نوعية و جودة ومشكورة على هالنصيحة:))

don't b silent keep talking girl ;)