25 May 2012

Emirates Palace ...Pure Luxury



حياكم الله في قصر الإمارات.. في دار الظبي دار آل نهيان الكرام

واحد من أحلى الفنادق الي سكنا فيها .. فخامة القصور وضيافة  فاخرة ورقي في التعامل وأحساس بالألفة في المكان كأننا في بيتنا







تفضلوا ندخل ونشوف القصر من داخل


 القبة الذهبية في نص الردهة الرئيسية 

 
الريسبشن

 








 

ممرات الفندق كثيرة والمسافة طويلة بين الغرف واللوبي والمطاعم ولكن في ميزة سهولة الوصول الي البحر والمسابح من صوب الغرف 



اللوبي بالطابق الرابع والغرف من الطابق الأول إلى الرابع يعني اذا نبي نروح اللوبي نصعد له فوق مو ننزل تحت مثل باجي الفنادق 
والطابق الخامس ما أدري حق شنو .. والطابق السادس مخصص حق ضيوف الدولة من ملوك وأمراء ورؤساء 

وغرف الفندق بس 300 علشان ما يزدحم ولتوفير مساحة أكبر لراحة الضيوف وموجودين في الجناحين الشرقي والغربي للفندق وكل جناح له شاطئ ومسابح خاصة فيه ومنفصلين عن بعض


هذولا مفاتيح الغرفة حدنا استانسنا عليهم وتقدرون تحتفظون فيهم كتذكار من الفندق

الحين نيي حق الأنشطة الي تقدرون تسونها وأهمها السباحة في البحر أو حمامات السباحة الي تضم ألعاب ترفيهية وزحلاقيات وليزي ريفير




 





هذا الجهاز منادة علشان اذا محتاجين شي على الشاطئ مع أن كل شوي ايون لنا العاملين يوزعون علينا فوط بااااردة ومعطرة وماي 




قعدة عربية على الشاطئ يقدمون الشاي والقهوة عربية
 

وأخيراً بعد هالجولة في أنحاء القصر ..



 الكابتشينو الذهب المشهور فيه قصر الإمارات .. وكل الحلويات الي بالكافية مزينه بالذهب وتقريباً يستخدمون 5 كيلو ذهب عيار 24 سنوياً للتزيين بس ..

كل الأكل الي ذقناه بالفندق سواء بالغرفة أو المطاعم كان لذيذ وعلى مستوى عالي ومبين أن الشيفات الي عندهم توب وشطار 

الحجز كان عن طريق سايت الفندق ( هنا )

9 comments:

رورو الشخبوطه said...

فقدتكم من غير شر ..

والفندق شكله حلو ومتروس فناتق ماشاءالله..

مشكوره ع موضوع..

star said...

أهلين رورو .. مشكووورة ما تفقدين غالي وأحنا بعد ولهنا على البلوق وعليكم

الفندق روعة أن شاء الله تصير لج فرصة تروحين أبوظبي وتشوفينه على الطبيعة


حياج الله :))

SiLeNTGRL said...

ولكم بااااك
الحمدالله على سلامتكم الفندق شكله روعه مشاءالله عجبتني سالفة الذهب يبيله تجربه

star said...

SiLeNTGRL

مشكورة :)

الله يسلمج .. أن شاء الله تصير لج روحة حق أبوظبي وتعيشين التجربة :)

نزهاويه said...

WOW
ماشاء الله عجيب
عاد قبل جم يوم يبنا طاري هالفندق انا و خواتي ودنا نسكن فيه اذا رحنا ابوظبي

عليكم بالعافيه و الحمدلله على السلامه ;)

star said...

نزهاوية

حبيبتي مشكورة الله يسلمج

الفندق وايد حلو وكافي البحر ما تشبعين منه

ان شاء الله تروحون ابوظبي وتشوفونه على الطبيعة

Anonymous said...

عليكم بالعافية

Ayesha Almansoori said...

منوره بوظبي فيكم يومها عيل ^_^
.
.
فندق قصر الإمارات وايد جميل
أحب اروحه عشان اتمشى فيه
وحزات نتعشا هناك مع شوية مغامرات
بأنه ندخل الشاطئ وهو ممنوع على الزوار دخوله
ههههههه
ويامرحبا فيكم
.
.
ماجربت ايلس فيه بما أنيه من أهل ابوظبي
بس يباله مره نيلس فيه
تحمست له من رمستج
شكراً يا عسل،.

star said...

Ayesha Almansoori

منورة بأهلها يا جعلكم سالمين من كل شر ومكروه

عسى ربي يهنيكم ويزيدكم من خيره


اذا رحتي إن شاء الله لااااااازم تجربين البلوبيري تشيزكيك الموجودة في الكافية باللوبي عجيبة وايد لذيذة