Emirates Palace ...Pure Luxury

حياكم الله في قصر الإمارات.. في دار الظبي دار آل نهيان الكرام

واحد من أحلى الفنادق الي سكنا فيها .. فخامة القصور وضيافة  فاخرة ورقي في التعامل وأحساس بالألفة في المكان كأننا في بيتنا



تفضلوا ندخل ونشوف القصر من داخل

 القبة الذهبية في نص الردهة الرئيسية 

 

 

الريسبشن

 

 

ممرات الفندق كثيرة والمسافة طويلة بين الغرف واللوبي والمطاعم ولكن في ميزة سهولة الوصول الي البحر والمسابح من صوب الغرف 

 

اللوبي بالطابق الرابع والغرف من الطابق الأول إلى الرابع يعني اذا نبي نروح اللوبي نصعد له فوق مو ننزل تحت مثل باجي الفنادق 

والطابق الخامس ما أدري حق شنو .. والطابق السادس مخصص حق ضيوف الدولة من ملوك وأمراء ورؤساء 

وغرف الفندق بس 300 علشان ما يزدحم ولتوفير مساحة أكبر لراحة الضيوف وموجودين في الجناحين الشرقي والغربي للفندق وكل جناح له شاطئ ومسابح خاصة فيه ومنفصلين عن بعض

هذولا مفاتيح الغرفة حدنا استانسنا عليهم وتقدرون تحتفظون فيهم كتذكار من الفندق

الحين نيي حق الأنشطة الي تقدرون تسونها وأهمها السباحة في البحر أو حمامات السباحة الي تضم ألعاب ترفيهية وزحلاقيات وليزي ريفير

 

هذا الجهاز منادة علشان اذا محتاجين شي على الشاطئ مع أن كل شوي ايون لنا العاملين يوزعون علينا فوط بااااردة ومعطرة وماي 

قعدة عربية على الشاطئ يقدمون الشاي والقهوة عربية
 

وأخيراً بعد هالجولة في أنحاء القصر ..

 الكابتشينو الذهب المشهور فيه قصر الإمارات .. وكل الحلويات الي بالكافية مزينه بالذهب وتقريباً يستخدمون 5 كيلو ذهب عيار 24 سنوياً للتزيين بس ..

كل الأكل الي ذقناه بالفندق سواء بالغرفة أو المطاعم كان لذيذ وعلى مستوى عالي ومبين أن الشيفات الي عندهم توب وشطار 

الحجز كان عن طريق سايت الفندق ( هنا )

poca & poca

poca & poca is a young and emerging fashion brand from Poland founded in 2010, and I guess it's based in Dubai and sold only in GCC countires, The feminine and cute  pieces are handmade at Poland the origin of the brand, by a team of tailors and artists working together..

I found the S\S 2012 collection available at Galeries Lafayette in Dubai Mall and also pieces at gojiboutique here in Kuwait