05 July 2011

Mistakes

Mistake no.1 :

اليوم رحنا كافيه كاكاو في 360 وكان في كيكة كاكاو جديدة حاطين اعلانها نفس الي بالصورة الأولى على الطاولات فحبينا نجربها .. غلطتي أني ما سألت الويتر عنها قبل لا أطلبها .. ولما ياب الكيكة وقرمت منها نتفة ولا طلعت باردة وما عجبني طعمها واستغربت أنه الكيكة باردة لأن حاطين معاها أيس كريم على بينت بتر وكأنه الايس كريم ينحط مع الكيك الحار مو البارد ؟؟   ما أدري هذا رايي


Mistake no.2 :


عاد قررت اني أقول حق الويتر يسخن لنا الكيكة .. رد علي قال ما يصير راح تذوب .. غلطتي كانت أني قلت له ميخالف لاني توقعت ان راح تلين بس .. مو تصير مريس مثل الي بالصورة الثانية ؟؟ لما يابها مرة ثانية بعد التسخين أنصدمت وطارت بوهتي ليش جذيه ساحت وراحت معالمها نهائياً .. قلت له ليش جذية؟؟ قالي أنا قلت لج ما ينفع تتسخن !!



Mistake no. 3:

ما كلينها واصلاً لما غرفت بالقفشة بشوف شنو صار فيها ولا تطلع لي طبقة دهن ما أدري من الكاكاو أو يمكن زبدة سايحة وهالشي صدني زيادة وخلاني  ما افكر أكمل الطبق شوفو الصورة الأخيرة مسوية فتحة صغيرة بالكيكة ومبين فيها سائل لونه اصفر مثل الزبدة أو الزيت .. غلطتي أني ما قلت للويتر يشيل الطبق أو يبدله لنا بشي ثاني .. أشوه أنه مو غالي اتوقع سعر الطبق أقل من 3 دنانير .. الرجاء محد يسوي نفس غلطتي لا تطلبون طبق يديد بدون ما تسألون الويتر عنه بارد أو حار أو متكون من شنو ؟؟ ولا تقولون له سخن الطبق واهوا ما يصير ؟؟  


6 comments:

Anonymous said...

Haahahahahaaaaa
Wallah '9a7aknee elpost!
It's unbelievable shkithir things went wrong for ONE SIMPLE order!

Yalla kherha bgherha inshallah :P

star said...

Hi anonymous :)

ee wallah I've learned a good lesson 2day ;)

النوري said...

7mar elwaiterr elmafrooth thwany heated this is a microwave heating thing am sure which is not suppose to heat cakes with and he was not suppose to serve it to u looking like crap
me no like living with cacao

Dear Romeo said...

OMG!!
What a disaster
ana b3ad 3bali it's served hot, that's how things are supposed to be when you've got ice cream on top!!
eSta'3far Allah kel hatha dehen, no way I'm ordering this, I don't think I'll go any where near caccao for a while

star said...

hala oo mas'hala fii النوري

ee I thought soo too why on earth did he bring it back to us looking like that X_x

star said...

Hellooo Dear Romeo

loool ee cold on cold some people like it this way but it's not my cup of tea >_<