03 July 2011

the new generation of toners





اول ما بديت استخدم شي اسمه تونر كان بناء على نصيحة زميلاتي بالدراسة يوم احنا صغار وكان شي اسمه " اسكينول " ويمدحونه حيل .. وكنت استغرب من شهرته فريحته مثل الكحول وينشف الويه حييييل .. بس هذي كانت فكرة التونر في بدايتها عبارة عن مادة كحولية تساعد على تنشيف الدهون من الويه باعتقاد ان هذا يخفف من ظهور الحبوب فيه .. وطبعا هذا تفكير خاطيء اثبته الدراسات بعدين ان استخدام مواد قوية وكحول مركز يهيج الغدد الدهنية في البشرة ويخليها تزيد من افراز الدهون أكثر يعني العكس ..فنصيحتي لكم ابتعدوا عن اي نوع تونر يكون فيه كحول ..

 اللحين نازلة انواع يديدة من التونر وتسمى "اللوشن" وهذي التقنية الجديدة في صناعه التونرز غنية بالمواد المرطبه والفيتامينات والهيرلويك اسيد واهو من اهم المواد الي تساعد على الترطيب والاحتفاظ بالرطوبه في اعماق طبقات البشرة  ..يعني اللحين التوجه في استخدام التونر مو كخطوة مكملة لعملية تنظيف البشرة وبس بل اهو يكون علاج بحد ذاته اينعم ملمس البشرة ويغذيها ويمنع جفافها ويوازن افراز الدهون فيها  .. انا طريقتي في استخدام التونر المرطب اما  بالقطنة الناعمة الي ذكرتها في بوست قديم وهي حق اللوشنات الثقيله ممتازة او بالطريقه الي اهم يذكرونها بالعلبة انتصبين اشوي في ايدك وتدلكين اللوشن مع مساج خفيف لغاية  ما تمتصه البشرة وبعدين احط على طول الكريم المرطب .. وذكرت من قبل في بوست عن لوشن كانيبو وشكثر احبه واللحين شريت من ماك هم لوشن يرطب وينعم البشرة ومصنوع في اليابان ^_^ طبعا انا اول ما قريت لوشن على التونر استغربت ان يكون ماك منزل هل النوع الي غالبا ما تكون صناعته اسيويه بس بعدين يوم شفت انه صناعه يابانيه فهمت ليش .. ونازل معاه الكريم والسيروم وكلهم صناعه يابانيه بس ما خذيتهم لاني مكتفيه اللحين .. بس تحسفت ما شريتهم وان شاء الله ارجع آخذهم ..
  

5 comments:

رورو الشخبوطه said...

اسينكول ..

جربته لويهي حسيته مشدود :\

بس حلو للجسم وللريول خصوصا يطلع بلاوي وينظف عدل :)

وشوقتيني ع هالتونر بس عموما ماحب التونرات تحر ويهي.

وبالعافيه يارب..

lazy dazy said...

الله يعافيك روروة

صج !! ما فكرت استخدمه حق جسمي ؟؟ بس احسه واايد قوي رورو ما ينشف الجسم ؟؟احنا انعيز انتدهن وعلى هل الجو الي علينا ما نلحق :)
وكنتي تحسين ان ويهك مشدود لان فيه كحول مركز وهذا يطير كل الرطوبه الي في ويهك حده مو زين وشكل بشرتك حساسه علشان جذي اتحرج التونرات

Anonymous said...

شكرًا على التقارير المفصلة. جدا مفيدة :)

lazy dazy said...

Anonymous

حياك الله وحاضرين للطيبين

رورو الشخبوطه said...

ليزي ..

صح حساسه..

شوفي انا ريولي بسرعه تنشف فيه وبياه والصراحة ماستخدمته الا جم مره لانه اتكيسل ,,