كنا رايحيين صوب المكتبات الي يم مبنى وزارة التربية القديم بالديرة .. ولا نشوف هذا المحل أسمه وادي ثقيف من بره كله دعايات مستحضرات هندية ومن الداخل كأنه سوبر ماركت .. دخلتا بنشوف شنو عندهم ؟؟ ولا فعلاً محل يبيع كل المستحضرات الهندية من كريمات وزيوت وأشياء وصابون وأشياء ثانية .. والمكان يديد توه فاتح مبين من الكراتين الي تارسه المحل
خوش أسم (فير أند هاندسم) .. الفيرجن الرجالي من الكريم الهندي المشهور فير أند لفلي
وطبعاً منو أشهر من اميتاب باتشان علشان يسوي دعاية حق زيت الشعر .. يبخته بهالعمر وجذيه شعره ما شاء الله
حتى صاحب المحل الهندي ينكت يقول لنا: فلوس مال موفي مافي كافي هوه يسوي دعايه فلوس وااجد.. لوووول
تعرفون هذا المحل ولا شي يديد عليكم مثلنا ؟؟ أعرف أن في محلات للبضايع الفلبينية بس محلات للبضايع الهندية شي يديد علي
2 comments:
حتى انا متعوده ع سوق فلبن ..
ودي يكون في مجمع مثل القريةالعالمية بدبي ..
وعندي لولو هايبر جمعية هنود بس حلوه :)
رورو:
صح لولو جمعيه الهنود يمكن هذا يتعامل معاهم لأنه شكله يبيع بالجملة
اي جان زين يكون عندنا كذا مكان جذيه حق جاليات مختلفة
Post a Comment