09 October 2011

What I found at Daiso

شنو لقيت في دايسو ؟؟


عيون متحركة للألعاب .. وايد حبيت شكلهم .. بخاطري اشتريهم واركبهم على اكسسوار أو جنطة عندي أفكار حقهم


خرامات على أشكال
 
خرامة على شكل ستار .. يا زينها


وطبعاً أكو خرامة على شكل ديزي .. يا حلوها


شريط كلفة


زراير موديلهم حده ريترو


كلفة كروشيه .. كيوت 


 متر القياسات على رول .. كنت شاريه نفسه من بركات بس قصيته بالغلط بالمقص واخترب وهذا ارخص من الي عند بركات



ميني علب عدة خياطة .. ينفعون ينحطون في درج المكتب  


مقص غريييب على شكل ملقط ما أدري شحقة ؟؟

 
سنارات حياكة الصوف .. غرامي هالحياكة وكل سنة أكود بالصوف والأبر واحيك بس ما أكمل وما اعرف اسوي غير الشال الصوف صج اعرف اسوي كذا لون مع بعض بس أكثر من جذيه ما اعرف اتفنتق




نظارات شمسية .. شحليلهم كبااااار ستايلهم ريترو .. انا ملاحظة دايسو ستايله كلاسيك أو ريترو ماني قايله داثر لأني مستانسه على سوالفه
 

مشط  للشامبو ؟؟ اتوقع للكونديشنر أو الزيت يمكن بس مو الشامبو يعني منو عيزان يدلك شعره بالشامبو ؟؟ .. والفرشة الزرقة الأولى على اليمين عندي نفسها من بودي شوب  زينة حق تنظيف الويه اليدوي مع الغسول .. طبعاً الحين أكشخ عندي كليرسونيك ;)



هذولا عبارة عن حرير طبيعي يتنقعون بماي حار وبعدين تدلكون فيهم الويه لتنظيف المسامات خاصة صوب الخشم أو الأماكن الي فيها مسامات .. شريتهم وجربت وحده وما عرفت لها :(



هذولا أنواع من الماسك شيت .. تاخون التونر أو السيروم المفضل عندكم أو مثلا ماي ورد بارد أو زيت اللوز الدافي وتغطسون الماسك شيت فيهم وبعدين ينحط على الويه .. متعدد الاستخدامات و واايد مفيد


عدة ترتيب الحواجب .. أنا الحمد لله ما أحف حواجبي نهائياً بس عجبتني هالمجموعة لترتيب الحواجب


 يسمون الاكستنشن  شوشو .. لوووول وين شوشتج ؟؟


 ونيييييس هالدايسو .. بماليزيا عندهم دايسو ويبيعون فيه أكل بعد :)

11 comments:

Shaikah said...

والله شكله ونيس يبيله روحه
ومشكورين على باجي البوستات

star said...

hey there dearie ^_^

اي روحي يونس كل شي فيه

والعفو حياج الله

رورو الشخبوطه said...

عجيب دايسو ..

احبه ..

وعندي مثل فكرة ملوت الماسك بس من بو 100..

ومشكوره..

Dear Romeo said...

وناسه
احب اخمط خرابيط
هذا وين مكانه؟ ليش انا ماعرفه؟

star said...

رورو:

:)
العفو

صج عند بو 100 حركات مو هين

انزين شرايج فيهم جربتيهم زينين؟؟

star said...

dear romeo :

اي حده يونس يبيلج تروحين بتستانسين فيه

موجود في سوق السالمية الأحمر داخل سيتي سنتر

Made n Q8 said...

استانس اروحله احصل فيه شغلات تونس

اروح حق الي في الفروانيه والي في سوق السالميه

يعطييج العافية

star said...

made:

اي المحل متروس اشياء

^_^

Anonymous said...

I always find lots of surprises in Daiso! It has almost everthing in it hehe :D

Make me Up said...

انا بعد اموت على شغلات دايسو ,,
اشياء لا تطري على البال ولا الخاطر كل شي موجود عندهم ,,
يعطيش العافية ,,

star said...

c:

yes it's an amazing place ^_^


كنكريه:

حياج الله والله يعافيج ^_^