ما توقعت احب فكرة اني اغسل ويهي بزيت الا لما جربت غسول شو ايمورا .. اهي كفكرة مجربتها من قبل مع كانيبو بس من زماااااااااان وما ادري ليش ما تقبلتها في فترتها بس اللحين صرت يوميا اغسل ويهي بغسول شو ايمورا الازرق الي للتبييض .. كل مره اغسل ويهي اتعجب اشلون ايشيل الميك اب بالكامل من ويهي وخصوصا المسكرا واحس رموشي ردوا سوفت ونظاف .. اهو دقيق بالاستعمال لان شرطة يكون الويه واليدين ناشفين وتسوين مساج للزيت وبعدين تغسلينه بالماي عادي بس اذا كان ويهك او ايدك مبللين ماراح يضبط لان يتحول الزيت لمادة بيضه .. وشي ثاني ساعات احب اغسل ويهي بغسول الفوم بعد الشو ايمورا علشان اخاف الزيت يسد مسام ويهي لان بشرتي دهنية .. كتجربة الغسول وااااايد حلو ومرتاحة عليه ريحته حلوة ولما امسح ويهي بالمناديل المزيله للمكياج بعد ما اغسل ويهي ما الاقي الا فتفوته اثر للميك اب مو مثل اول الاقي بلاوي بالوايبس كاني ما توني غاسلة ويهي .. نصيحتي كل بنت لازم يكون عندها واحد .. مو شرط ماركة شو ايمورا لان اسعارة غالية شوي مقارنة مع اسعار ماركات الدرج ستور بس ككوالتي واايد زينه هالماركة والنوع الي استخدمه للتبييض ومن مكوناته فيتامين سي والاراصيا وبتلات الساكورا وفي النوع الاخضر بعد ايهبل حق النضارة فيه غرين تي والجينكو .. وطبعا كل غسول مخصص ليناسب نوع معين من البشرات ..
2 comments:
بس shu uemura مو موجو
في الكويت صح؟
هلا نورة .. لا مو موجود للاسف
Post a Comment