20 March 2012

maybe maybe bye bye to pores

من أكثر ما أنسأل عنه بالايميلات اهي مشكله البورز والرؤوس السودا

بالصدفه وانا  اتشري من محلي الكوري الي احبه the face shop  في دبي ولا اصادف بنيه امارتيه الطف من اللطافه
كانت تسأل البياعه عن منتجات بعينها وشدني حوارهم فستأذنت منها اني انظم الي حوارهم واسألها عن الكريمات الي تبيهم
فيا حلوها قعدت توريني من موبايلها صور الاشياء الي تبيهم وان مادحينهم لها حق مشكله البورز

فطبعا شريت كل هل الاشياء أنا بعد ولحسن الحظ لحقت عليهم لان بعضهم كان آخر حبه ..



أول شي كان زيت مساج للبلاك هيدز بالشاي الاخضر
زيت تدلكينه فيه الانف على بشره جافه يوخر كل البلاك هيدز وينظف البورز
لازم تستمرين بالتدليك مده 4 دقايق تقريبا وخلال ما تدلكين اتشوفين البورز اشلون اتنظف
وااااااااااااايد حبيته اول شي اول مره استعمل برودكت بفكرته يعني زيت مساج ادلك فيه خشمي
وصج حسيت له تأثير  



الخطوة الثانية بعد ما تغسلين الزيت اتحطين هذا الماسك
ماسك الطين الابيض بخلاصه النباتات
كريم ابيض تفردينه على الانف وبعدين تنطرين 10 دقايق او لين ينشف كلش ملش بعدين تشيلينه
طريقته على البيل اووف نفس اللزقات الي نبللها ونحطها على الانف بعدين اذا انشفت نشيلها
بس هذا من غير عباله سيده من العلبه ولين ينشف وينشال
حبيت سهالته بس يلعوز شوي انه مو كل الماسك ينشال تبقي تناتيف لازقه مني ومناك



بس وهل البس حطوا تحتها الف خط
بعد هل خطوتين اطالع خشمي ابيييييييييييييييه وين راحت المساامات
تعرفون لمن تحطون البيس مال الميك اب الي على سيلكون وغيره
شلون تختفي المسامات هذا نفس النتيجه بس بدون شي من روحهم

وناااااااااااااااااسه

بس ها ( هذي بس مو حلوة ) من باجر الصبح ردوا مسامتي بينوا مو مثل قبل بس يعني اتوقع العمليه يبلها تكرار
لاني استعملته مرتين اول مره حطيت الماسك وانا بالشاور فما صك عدل وما شفت نتيجه كبيره
بس هل المره طبقت الطريقه بحذافيرها وصارت النتيجه خطييييره

علشان جذي انا قلت ميبي ميييييييييييبي لقيت حل
يبيلي استمر معاهم اكثر واتأكد اكثر وارجع اقولكم



هذا الماسك مو من اشياء البنيه احنا شريناه من نفسنا لان من نفس لاين الزين وقلنا بنجربه
انا ما استخدمته ستار اهي الي مستخدمته اهو يصير كريم ابيض ثقييييييييييييل ماسك على سكرب
تحطينه وتفركينه وهم بالشاي الاخضر وهم يخور البلاك هيدز ستار تقول عنه انن زين ويبلي اجربه بعد
زياده الخير خيرين   

4 comments:

رورو الشخبوطه said...

حلو ماشاءالله تبارك الرحمن الله يهنيكم ..

انا هالمحل دشيته بدبي مرتين ومره بتايلند عمري ماتمقلت فيه عدل ..

وبالعافيه..

lazy dazy said...

الله يعافيك رورو عاد خووش سوالف عندهم ولا الماسكات ملوتهم ايهبلووون

]ثيهؤشفثي بخقثرثق said...

المحل هذا عشقي الابدي ... جربت من الطين الابيض للخشم وان شاءالله ناوية اجرب اللي مدختيهم حق الخشم من شحرة الشاي

فيس شوب انا احبـــــه

Ayesha Almansoori said...

اهاااا
يعني فيه شيء لازم احطه قبل الطين الأبيض
،
يا فرحة امك يا عيشه
هههههههه
وانا قاعدة ادهن بهالطين وما اشوف نتيجة
قوية وأقوى من القوى
.
.
من بكرا أن شاء الله انا بكون سامته
فالمحل وباخذ الأشياء اللي قلتي عنهم
ويارب ينفعونيه
.
.
يزاج الله خير حبوبه