حلاوة سماره مش عايزة كلام ولا عايزة أمارة

هالأيام اتابع مسلسل سماره الي فيه غادة عبدالرازق في mbc دراما وكل ما أشوفها شلون راسمة حلجها بالحمرة اتذكر الماسك الي شريته من the face shop  صايرة بالمسلسل نفس شكل صورة البيبي الي راسمينها على الغلاف ..عاد انا من شريت الماسك ما جربته اقول اخليه حق لما  تتشقق براطمي أو حق لما اسوي جلسة فيشل حق ويهي .. بس شوفة سماره كل يوم اثرت فيني وخلتني ما انطر  ;)

انا الصراحة أول مرة أجرب ماسك للشفايف .. ياحليلهم الكوريين ما خلو شي ما سوا له ماسك  .. الطريقة يكون بقطعتين منفصلتين للشفاة العلوية والسفلية واول ما فتح الكيس كان في سائل خفيف منقوعين القطع فيه وتترك القطع على الحلج لمدة تتراوح بين 10 - 20 دقيقة ....

النتيجة

ملاحظاتي بسيطة يعني ماكو فايدة زايدة.. بس لاحظت أن براطمي صارو أنعم .. وشوي اتفخو براطمي وأنا ما أحب التتفخ :\ عكس الناس أدري ..  شريت منه 2 استخدمت واحد والثاني بخليه حق اذا تشققوا براطمي ومحتاجة علاج مكثف بشوف النتيجة شلون أشوه اني ما كودت والصراحة ما يستاهل اني ارجع اشتري منه  :(

وعلى فكرة الي صج تحب تتفخ شفايفها بسوالف الكريمات والماسكات في كريم من هيلينا روبنشتاين بالكولجين شفت فعلا نتيجة منه أسمه  COLLAGENIST LIP ZOOM WITH PRO-XFILL  ;)

كله من سماره  ;)