Dubai Metro

السلام عليكم .. وكل عام و أنتو بخير .. وتقبل الله طاعتكم والله أشتقنا للكتابة هني وتواصلكم معانا

في عطلة العيد سافرنا الي دبي وكنا متلهفين أنه نركب الميترو ونجربه مع أن آخر زيارة لنا حق دبي من جم شهر بس كل مرة لازم يكون عندنا شي يديد نسويه.

ميترو دبي .. أنجاز جديد من أنجازات أمارة دبي المميزة بكل ماهو ممتع ومريح سواء للمقيم فيها أو الزائر .


أول مره جربنا الميترو قلنا بنروح فيلا مودا دبي والي صايرة في financial center واخترنا فترة الصبح علشان هدوء و ماكو زحمة والحمد لله الرحلة فيه وايد حلوة وسريع بسرعه نوصل حق المكان الي نبيه أحسن من التكاسي وزحمة الشوارع في العيد .. بس للأسف طلعت محطة الميترو بعيدة عن مكان فيلا مودا في gate village فخذينا تاكسي من محطة الميترو الي هناك مع انه اذا نبي نمشي يمكن 10 - 15 دقيقة بس الجو حر ما كان يساعد على المشي .

ماكو دور ولا زحمة الحمد لله

البطاقة الذهبية سعرها 20 درهم

وكراسي الدرجة الذهبية مريحة وألوانها حلوة

وعلى فكره فيلا مودا دبي وايد حلو الموقع والبوتيكات يم بعض ( الصور راح أنزلها في موضوع ثاني ) بس مثل ما قلت كان الجو وايد حر وحتى لما خلصنا من هناك ما رجعنا محطة الميترو خذينا تاكسي ورجعنا الأوتيل .. وظل عندنا رصيد في البطاقة قلنا بنركب مره ثانية الميترو حق مشوار ثاني .. بس للأسف روحتنا الثانية للميترو كانت العصر و الزحمة مو طبيعية حتى نطرنا الميترو مرتين وكله متروس على الآخر والاحصائيات للميترو ذكرت أنه فوق 250 ألف راكب استخدموا الميترو خلال فترة العيد .. ما شاء الله عمار يا دبي وعليهم بألف عافية أهل دبي الميترو وأي أنجاز ثاني من أنجازاتهم المشرفه .. والله يحفظ ديرتكم وديرتنا و كل دول الخليج من كل مكروه.

UPDATES: found more pics in my sis cam I guess it's when we went to city center station
:)