22 August 2010

عزة فهمي










عزة فهمي مصممة مجوهرات مصرية تختار تصاميمها من الثقافة الاسلامية والتراث المصري وابيات الشعر العربية، حلوة مجوهراتها والحين وقتها تنفع تنلبس مجوهراتها مع الدراريع في رمضان، آخر صورة الي فيها 3 خواتم الي ينلبسون مع بعض وايد عجبوني بس حسافة ما كان في مقاسي في بوتيك عزة فهمي وخذيت منها شغلات مثل charms يتعلقون على سلسلة الاسوارة وكانت من الكوليكشن الثقافي الي يعبر عن ثقافة الشعب المصري في اشياء مشهورة مثل الخرزة الزرقة والكف وفي اشياء مو مشهورة مثل قرن الفلفل الأحمر الي كانوا يعلقونه على بيوتهم في الصعيد بالتحديد والشبشب القديم والسمكة والمقص وكل وحده فيهم ترمز لشيء معين، وفي السايت مذكور ان مجموعة من مجوهراتها معروضه في بوتيك اكتيام في 360 مول، بمر عليهم واشوف شنو موجود.


10 comments:

رورو الشخبوطه said...

حبيت المضاعد وهم الخاتم شكله زين..

مشكوره..

chandal/danchal!! said...

فز قلبي على اسم البوست

وايد احبها... اسمها مرتبط عندي بأجمل الذكريات

وهم شغلها وايد حلو ومتجدد مع المحافظة على روحها


كلك ذوق
:)

star said...

رورو

هلا هلا وينج من زمان فاقدينج وفاقدين ردودج الحلوه لا تقاطعينا عسى المانع خير ان شاء الله

حياج الله

:))

star said...

مسز شربت


سلامة قلبج من الفزه وعسى يحبج ربج

لو ادري جان كاتبه عنها منذ مبطي .. وأكييييييييد تحبينها لانها ماركة مصرية مسجلة
;)

بس هم ودي اعرف شنو الذكريات يالا ناطرة منج بوست يقطر شيره عن هالذكريات واااااي تشوقت بعرف عاد لا ترديني

حياج الله ومشكووورة يا ام السنع والذوق

:))

chandal/danchal!! said...

عزيزة وغالية ياخيتي ستار وما ينردلج طلب

:)

بس كنت صغيرة وذكرياتي عبارة عن مقتطفات ما تنكتب ببوست

اذكر انها كانت تزور عمتي الله يرحمها بشقتها بالزمانات

وكان عندها محل اسمه العين كانت تعرض فيه فضياتها

بالعصاري كنت اتمشى مع عمتي بالسيارة مع -السواق حسن- يودينا محلها

في احلى من التمشي بالسيارة مع ناس تحبينهم؟

i miss the good old days

وسامحينا على القصور
:)

Princess Sara said...

يآآي يشوقون و الله
خاصة السوارات :)

مشكووره عالبوست

star said...

جندوله


الله يعز شانك ويحشم يالالج

:***

عسى ربي يرحم عمتج ما شاء الله عليها الظاهر كانت راعية ذوق ولها نظرة وبنت اخوها طالعه عليها علشان جذيه كانت توديج معاها

صج هالذكريات ما تنسي

مامنج قصور بالعكس اسعدتني وشّرفتي
المكان مكانج

star said...

sara


اي انا بعد عجبوني

;)

حياج الله

أميرة عربية said...

انا دشيت على السايت شكل تصاميمها روعة

star said...

أميرة

الحلو فيها ان ستايل المجوهرات عربي وما تروح موضتها