كل واحد مر بتجربة الانتقال من بيت الا بيت يعرف شعور الحاجه حق بوكسات ينقل فيها أغراضه ، أذكر لما نزلنا بيتنا كنا نروح حق الجمعيه ناخذ منها كراتين فاضيه حق أغراضنا .. صح مع وجود شركات نقل الأثاث الكبير وأغراض البيت بس تبقى شغلات انتوا تنقلونها بنفسكم.. وبعدين هذي الكراتين مشكله هم لما تخلصون منها لازم تنقط فعجبتني هذي الخدمة بأمريكا الي إهي طريقة لنقل الأغراض وإهي أنكم تأجرون البوكس الأخضر بالكميات الي تبونها وللمده الي تختارونها ايوصلون لكم البوكسات ولا انتهت حاجتكم منها يردون ياخذونها !!! مو صج فكره حلوة
الحلو اني شفت نفس الصناديق بالكويت يستخدمونها محلات الشايع !!شفتها في كذا محل من محلاتهم ينقلون فيها الهدوم اليديده بس عاد صندوقهم أزرق ما أدري ليش ؟؟ اول مره ادري انه هذا المفهوم في النقل موجود بالكويت؟؟
عاد ما أدري إذا كانت في شركات إتأجر مثل هذي الصناديق لإستخدام الأفراد ولا فقط للشركات ؟؟
شرايكم بالفكره ؟؟؟
No comments:
Post a Comment