IZ juice

اليوم شرينا عصير من IZ juice والمهم مع اللويا نسينا ناخذ وحده من علب العصير وما ذكرنا العلبة إلا وأحنا طالعين صوب كارفور بنروح السيارة قلت حق الي معاي خل ادق عليهم واقول لهم ايبونه لنا عند باب كارفور لانه ما فيني حيل ارد لهم مره ثانية .. دقينا عليهم من الرقم الى في الفاتورة والموظف الي رد علينا قال اي موجود العصير قلت له ممكن تييبه لنا صوب كارفور احنا ننتظر هناك فرد علي ما نقدر احنا بس اثنين في المحل .. انا شايفه اربعة شلون صاروا اثنين ما ادري الظاهر مالهم خلق حاولت فيه وقلت له هاذي خدمة الزباين واحنا دافعين فلوسه وما نقدر نرد قال اي احنا شفناكم مشيتوا وما خذيتوه قلنا يمكن تردون له بعدين .. يا سلام شنو هالذكاء انزين ليش ما ناديتونا أو قلتو نسيتوا العصير؟؟ المهم ما رضى اييب لنا العصير وخلينا العصير لهم وضاق خلقي على هالسالفة والعصير الي خذينا منهم طلع مو لذيذ وما راح اشتري منهم مره ثانية ..