خلصنا من لوية البي بي كريم وكل ساعة مكونات و لون وشكل وحجم يديد
اللحين شنو اليديد في البي بي
DRINK IT !!!!!!
مشروبات الكولاجين والبي بي صايره هبه في آسيا
الكولاجين طبعا وتعرفونه مو يديد عليكم حق علاج التجاعيد وشد البشرة وامتلائها ويعطيها طراوة
اللحين نازل مشروب البي بي
شنو يسوي او شنو فايدته ؟؟؟
يعطي نظارة ويخلي البشرة كأنها بشرة بيبي وموردة او لونها روزي
وهذا عندي عز الطلب وايد احس بشرتي صايرة باهته
أدري من ضغوط العمل والتغذية الي لكم عليها وحتى السهر
بس هذي أشياء بهل الفترة ما اقدر اسيطر عليها
ففكرته الله يسلمكم ان تشربونه كل يوم لمدة اسبوع وراح اتبين النتايج وبعدين كل ثلاث ايام للمحافظة على النتايج
( الي جربوه وايد يمدحون نتايجة وان بشرتهم صارت فيها نظارة وخفت الأثار الي بالويه )
وفيه انوااااااااااااع كثيرة من هل المشروبات الجمالية يعني الصيدليات كانت متروسة في ماليزيا
ما ادري شنو أختار وشريت مشروب الكولاجين والكيو انزيم 10 لشد البشرة ونظارتها
طعمهم على فواكه وطريقتهم سهلة بس تفتحين العلبة وتشرينه وخلصنا
اسهل من الي يصير بودر ويحتاج عصير او ماي يتذوب فيه
ومن الانواع المتوفرة من المشروبات :
للتبييض - للمفاصل - للاسترخاء وعلاج الارق - للتنحيف - للمعة العين O_o - للكولسترول
وغيرها انواع وانواع
هل جربتوا هذي المشروبات الجماليه ؟؟
شنو احسن نوع جربتوه ولاحظتوا نتايج حلوة ..؟؟
2 comments:
فكرته حلوه وسهله وطريقتة بسيطه تنفع لي..
بس اخاف الهم شي :\
هذا من شركة طبية ولا تجميليه ؟
ومشكوره..
اممم مادري اخاف اجرب هالاشياء بطونا غير عن هالقمبق لمبق هههه
Post a Comment