review : Dr Hauschka

 ماركة دكتور هاوسشكا صارلي اسنييين ابي استخدمها وبكل سفره لي كل سفرررة لازم ادورها

ومع ذلك كل مره امر علي كاونترهم اقعد فيه ساعات واطلع مو شاريه شي !!!!!

هل الماركة احبببببببببببها احب شكلها احب ريحتها احب فكرتها بس ما اعرف اشتري منها

الكتابه على العلب مو مفهومة لغغغغز وما كو شرح كافي فاحتاااار يعني شنو يقصدون بهل الاسم

وحق شنو بالضبط هل الكريم يستخدمونه ؟؟

الزيوت عندهم كذا نوع والكريمات كذا نوع ومو محدد نوع البشره على العلبه !!! اتعقدني هل الماركة

بس اخييييييرا كسرت حاجز خوفي من هل الماركة وشريت منها :)

انا حللت نفسي انا من داخلي احبها واااايد ( ليش ما ادري ؟؟ ) واتردد اشتري منها اخاف اشتري شي ما يناسبني واكرهها او يخيب املي فيها لاني وايد معجبه فيها ووايد سليبرتي يستخدمون هل الماركه ويحبونها ..

بس هل المماطله بتجربه هل الماركة الحمد الله انتهت  .. وشريت لي غرضين ( كريم النهار وزيت معادله البشره )

الكريم النهاري .. دكتور هاوسشكا عنده فلسفه ان الواحد المفروض ما يحط على بشرته اي شي لما بينام بالليل لان هذا الشي ايتدخل ببرمجة البشره لنفسها ويربكها ويخليها ما تشتغل عدل .. لان يقول ان البشره بالليل تبدي عمليه الترميم وتجدد نفسها وتعالجها واي شي تدهنيينه عليها بالليل يزيد من عملها ويصعبه بدل ما يسهله لان يسد المسامات ويثقلها فعمليه الترميم الليليه ما تتم بصوره صحيحة وبالتالي تقعدين الصبح ببشره باهته ومتعبه بدل بشره نظره ... المهم الي بوصله ان كريماتهم كلها تستخدم بالنهار فقط وممنوع كريم ينحط بالليل ..

الكريم لونه اصفر وقواامه سااااااائل وايد سائل تشربه البشره بسرعه ويخلي ملمسها مخملي وناعم مخصص للبشره العادية والجافه واحببببببببببببه ايهبببببببل وعلى ان بشرتي دهنيه بس ما حسيت انه دهني واااايد بالعكس احس بشرتي اتقبله لان يمكن سائل مو كريمي واهو بخلاصة جنين القمح والجزر واعشاب وزيوت ثانية ومنتجاته عموما ما تستخدم الا مواد طبيعية

زيت معادلة البشره هذا الكريم السحري احببببببببببه مو طبيعي  يوخر الرؤوس السودا والمسامات الكبيره واااايد لاحظت ان مسامات بشرتي اصغروا وكل البنات الي كانوا يسألوني عن حل للمسامات اقدر انصحهم بهل الزيت بدون تردد

اهو مخصص للبشره الدهنية ايعدلها ويخفف من افراز الدهون فيها ويصغر المسامات احطه بعد التونر وبعدين احط الكريم النهاري

وما استخدمه بالليل بس الصبح بالليل استخدم زيت كيلز الاكثر من راااائع ميد نايت ريكفري مثل ما اتشوفون ما اتبع نصيحة دكتور هاوسشكا اني ما احط شي بالليل لاني بعد ما اغسل ويهي واحط التونر احسه صار ناشف لازم ارطبه وادهنه :)

اخيرا هذا البوست كنت ناويته حق الهتس والميسسز حق شهر مارس بس صار الرفيو طويل فان شاء الله اكتبه لكم قريبا لان فيه شغلات يديدة حلووووووووة جربتها هالشهر وفي شغلها لووووعه للاسف وبشاركم فيها ..