23 March 2012

La Cure Gourmande in Dubai Mall


يا سلام على دبي مول كل شوي فاتح فيه شي جديد وممتع .. هالمرة لقينا هالمحل الي من بره شكله يشوق ولما تدخلونه راح تحبونه أكثر  ديكوره وستايله فرنسي واللون الأصفر شرح ويفرح مع منظر الأرفف المتروسة لغاية السقف بعلب بسكوت وكراميل ونوغا وكادي كلها من فرنسا .. يا سلام سلم .. بسطنا عندهم  والحلو فيهم يضيفونا من كل الأشياء  الي عندهم وكل شي احلى من الثاني :)

 وأحلى شي عندهم العلب الحديد للحلويات يازو لنا لأنه نحب هالستايل.. موديلاتهم كل واحد أحلى من الثاني وحلوين كصوايغ  








هذا البسكوت خذينا تشكيله  متنوعة



هذولا جياس هالحلاو الي عندهم وكاكاو على شكل زيتون محشي لوز



أهني بعد ما فرغناهم في علبة عادية وزيناها بالشرايط ملوت الجياس كنا لي الحين عايشين اجواء المحل  كل شي عندهم نزاكه ومربوط بشريطة :)

تذكرت بعد اخذنا منهم مكعبات النوغا والكراميل بحشوات مختلفة .. بس ما أدري ليش ما صورتهم وخلصوا ما بقا منهم شي بس كطعم حبيت الكراميل أكثر من النوغا

هذا سايت المحل هنا

8 comments:

رورو الشخبوطه said...

يشوووق ماشاءالله..

بالعافيه يارب..

Lama said...

يا حلو دبي مول يا شيخة !! انا قايلة لو كان دبي مول رجال كان تزوجته من زمان

وهالمحل مرة حلوو .. شكله يشهي ما شاء الله

star said...

رورو:

الله يعافيج

أن شاء الله اذا صارت لج روحة دبي مري على المحل راح يعجبج

star said...

lama

ما تنلامين أنا أحب دبي بكبرها ;)

مشكوورة الله يحلي أيامك

نزهاويه said...

يونسّ المحل
شكل علبة البسكوت يشوق
لازم اروحله اذا رحت دبي ان شاء الله

star said...

نزهاوية

لا يطوفج راح تحبين العلب شكلهم حلو

Unknown said...

حده يشوق هالمحل
<< اتعلم من رمستكم ههههه

بس جد
المحل شكله وايد يشجع
احيد شرينا من ايرلندا منه
بس يوم فتحوا المحل عندنا في أبوظبي
مدري ليه ما تحمست له كثير
بس اروح له إذا كنت يعانه
أخذ بسكويت على الماشي هههههه
.
.
شنو اللي عجبج أكثر شيء عندهم
وتنصحيني بتجربته؟!
.

star said...

Ayesha Almansoori

يا حلو الي تتحجى كويتي :)

شوفي أحسن شي بالمحل هذا أنهم يقدمون لك تذوق من كل شي عندهم قبل لا تشترين وبعد أنه كل شي بالميزان أو بالوزن يعني مو شرط تاخذين كمية كبيرة تقدرين تاخذين كميات بسيطة للتجربة

أنا جربت البسكوت عندهم الي محشي كاكاو و مربي كانو زينين وجربت النوغا البيضة باللوز اذا تحبين هالسوالف أما الحلويات أو الكادي فكانو عاديين بس كشكل حلوين لهدايا