قاعدة أتعلم الفرق بين المستحضرات الطبيعية والعضوية والحيوية والبيئية حابة اكتسب معرفة بهذا المجال .. كنت أدري أن في تسميات مختلفة بس ما كنت أعرف شنو الاختلافات .. طلع الموضوع يتعلق بنسب المواد الداخلة ونوعية الأسمدة والتربة وبعد إذا كانت الزراعة بالصورة التقليدية الي فيها مبيدات أو العضوية بدون المبيدات ويدخل فيه بعد موضوع أنها خالية من السيلكون والبارابين والمواد الحافظة والعطور وأن ما تمت تجارب على الحيوانات أو ضرر على البيئة .. هاذي العلامات من أشهر الشهادات الي تنحط على المستحضرات وطبعاً في غيرها وايد .. شي زين أن نعرف حتى لو قليل من المعلومات عن المستحضرات الي نستخدمها ..
enjoy healthy lifestyle :)
3 comments:
مشاءالله عليييج تعلمي وعلمينا
عاد ابي نصيحتج دام عندج خبرة بالكريمات
شوفي انا وحده مااستخدم كريمات وايد بس كريم ترطيب وكريم حماية شمس لووووووول متعبه روحي وايد
الحين بما ان دشيت الــ 30 لازم اهتم واحورف بروحي علشان ماتطلع التجاعيد
شنو الكريمات المناسبه حق هالمرحلة من العمر
مشكووورة عاد تصدقين خذيت بنصيحتج وشريت صابون الغار يعني الفايدة متبادلة أكيد واتمنى هالشي يستمر يعني الي مستفيدة من مستحضر تبلغنا واكيد راح نحط عنه عندنا بالبلوق
انزين نيي حق سؤالج ؟؟
ترا كريم حماية الشمس وااايد مهم لا تقطعينه
وصح كلامج بعد الـ 30 ضروري تختلف اولوياتج للبشرة يعني تبين شي يحافظ على النظارة وشباب البشرة مثل الكولاجين والهيروليك اسيد مرة قريت في توتير من دكتور @DrShamsaldeen للجلدية
أن الاستخدام المستمر للريتن اي يحافظ على شباب البشرة بس هذا يعني تقشير مستمر لها ويمكن تتحسس وشخصياا ما أفضل هالشي
ويعتمد بعد على الماركات الي ترتاحين لها تقدرين تسألين اكيد راح يدلونج على اللاين المناسب حق عمرج وما يكون وايد قوي لانه ترا توج صغيرة لا تحاتين انجوي يور 30 ;)
حبيبتي مشكورة وانشاءالله تعجبج صابونه الغار
انا مرة شفت حبوب كولاجين وحبوب خميرة حطتهم Swera اللي بلوقها crazy yet wise
حطت صورهم بالانستجرام بجربهم
وبجرب Ponds
اللي حطيتي ريفيو عنه
Post a Comment