12 March 2012

Wheatgrass Drink



ابتديت أشرب شراب wheatgrass  علشان فوائده الصحية .. أهوه بالصج يعصرون العشب فرش ويصير عصير بس لأنه صعب اسويه وما اقدر اتحكم بجودة العشب يعني اهوه لازم اسويه في افضل وقت لنمو العشب علشان يكون محتفظ بكل فوائده .. فليش العباله؟؟
 الماركة الي بالصورة الأولى urban wheatgrass sachets اهي الي عندي ..  مسوينه بودر في مغلفات صغيرة تكفي شهر كل يوم واحد ومستخدمين أحسن التقنيات علشان يظل متحفظ بمميزاته بس لا تسألوني عن طعمه يلوع الجبد الله يزيد النعمة .. جربت مره أشربه مع ماي ونفس الصورة الي فوق بقلاص صغير صار مركز حيييييل تخيلو رجعته ما قدرت لانه حسيت كأني قاعده أشرب حنة !!؟؟

صرت احط قلاص كبير واخلطه مع عصير العنب الأحمر من كي دي دي ويكون باااارد طعمه يصير زوين .. واي ترا قاعده اقص على عمري >_<  بحاول انوع بنكهات العصير بس ما أعتقد ينفع مع عصير ثقيل مثل المانجا أو الموز ولا حامض مثل البرتقال او الاناناس اتوقع ينفع مع التفاح أو الرمان!! ..  إن شاء الله أكمل الشهر واشوف نتائج زينة منه :)  عطوني افكار حق خلطات عصير زينة معاه ؟؟

  to know more about urban wheatgrass sachets and it's benefits ..link here

12 comments:

رورو الشخبوطه said...

انا مادري شلون طعمه بس ايصير مع حليب او لبن او عسل ؟؟

وبالعافيه يارب..

وان شالله يفيدج

star said...

رورو : الله يعافيج

مكتوب على العلبة مع ماي أوعصير .. ما اقدر اجازف واحطه بالحليب اخاف اكره الحليب بسبته

ان شاء الله مشكورة

Anonymous said...

في برنامج يوم اليمعه الساعه خمس العصر مع الدكتوره امل الانصاري على قناة الكويت الاولى تسوي خلطات عصير بس ما تستخدم البودر تستخدم الحبوب المستنبته فريش احس ان الاشياء اللي تسويها وايد صحيه ومفيدة ان شاء الله تفيدج

star said...

anony:

أي صح شكرا على التذكير اعرفها شلون نسيتها وما خطرت على بالي

بسوي سيرتش بالنت اكيد بتطلع لي وصفات لها

SiLeNTGRL said...

واي ليش هالعذاااب ليييششششششش
انا قاعده اقرى اللي كاتبته يتلي اللوعه تخيلت الطعم شلون صاير اييييييييييييييووووووووو

سوي طريقتنا واحنا صغار نغمض عيونه ونسكر خشمنااا ومرة وحده شربيه وراه قلاص ماي ولا عصير

خلطيه مع عصير مانجا يمكن يضيع الطعم او الجوافه اي عصير يكون طعمه قوي بس خففيه بماي علشان لا يصير ثقييييييييييل

واللله يعييييينج

Anonymous said...

ybe3ona b katha moan 3a9er (i know ena ele da5el jam3eyat mishref ybe3a). try it there o shofee if they offer mixtures that contain wheatgrass and try to make it at home ;)

قرص عقيلي said...

ذكرتيني في ما مضى ...
كنت اشربه قبل جم سنة يلبته اختي لي من اليابان كنت اخلطه مع عصير مانجا كي دي دي ...
شفت منه نتيجة روعة سواء بشرتي او اظافري وشعري

star said...

SiLeNTGRL :

لوووول بالضبط الي قلته اهوه الي اسويه اشربه مره وحده ولا اتنفس ومغمضه عيوني >_<

بجرب كل شي لين اتعود :(

مشكورة

star said...

anony:

صج زين بجرب وبشوف فرق الطعم وبشوف شنو يخلطونه معاه

قاعده ادور بالنت عن خلطات عصير تخفف طعمه :/

مشكووورة

star said...

قرص عقيلي

صج الله يبشرج بالخير عطيتني دافع لأني قاعده اتغصبه

عصير المانجا ما يخليه ثقيل ؟؟

ان شاء الله اشوف نتايج تسوى الطعم اتحمله علشان النتايج

Unknown said...

بس غريب المنتج
انا شفتج الجدول
وتوزيع الفايتمن
.
.
كيف الجسم يحصل على كالسيوم وحديد بنفس
الوقت؟!
مع أن الكالسيوم والحديد معروف عنهم
انهم ما يحبون بعض ههههه
لأنه الكالسيوم يمنع الجسم أن يمتص الحديد!!
.


وبعد لاحظت كمية البروتين
تظهر أقل من الامينو آسيد اللي هم كاتبينها
.
انا شاكه بهالمنتج
يبيله يلسه على رواقه ههههه
.
والطعم الله يعينج عليه
لأن بعض الأشياء اذا تم خلطها مع أشياء
ثانية النتيجة ما تكون مثل النتائج المتوقعة

star said...

Ayesha Almansoori

أهلين عايشة وسعيدة في اهتمامج بالمدونة والمواضيع الي نشرناها

ومثل ما قلتي المنتج فعلا غريب لا من طعم ولا من فايدة وما أنصح فيه يمكن العصير الفرش من الاعشاب المستنبته يكون أفضل بكثير عن هذا