مره من المرات قريت في بلوق وحده تهتم بالبشرة والتجميل عن نظام عنايتها في بشرتها وان هالمجموعة ناسبتها وتمدحها وبس 3 خطوات .. ولأني احب الشي المفيد والمريح على طول شريت نفس الاشياء وطبقت نظامها على بشرتي .. وبصراحة ودي اشكرها وااايد نفع روتينها معاي .. الحين نيي حق الاشياء من اليمين: صابونه من سيباميد + تونر تيي تري ماركة لاش + كريمات الصبح والليل من ماركة إلميس .
اغسل ويهي بالصابونة الصبح وبالليل والظهر لما ارد من الدوام وبعدها التونر وبعدين الصبح والظهر احط كريم الصبح وبس بالليل نفس الخطوات بس استخدم كريم الليل .. الحمد لله والشكر بشرتي مرتاحه على هالمجموعة بس لاني ما اقدر استمر على روتين واحس انه بشرتي ما قامت تستفيد من الكريمات * شعور ذاتي ماله شغل في الكريمات* الحين قاعدة استخدم كريمات من ماركة نيل يارد بكتب عنهم لما اجربهم لفترة وأشوف النتائج.
* التونر من محل لاش موجود في 360 و بلازا السالمية.
* الكريمات من ماركة إلميس موجودين في سبا تايم في الافنيوز والمهلب.
* الصابونة موجودة في رف ماركة سيباميد في الجمعيات التعاونية.
2 comments:
وناسه..
احب برامج العنايه البسيطه..
بس ماقلتي شنو نوع بشرتج؟؟
وبالعافيه يارب..
أهلين يا رورو
بشرتي قمة العسارة: حساسة حيييييييييييل على كيفها مختلطة جافة ومرات دهنية
علشان جذيه مستانسة انه هالمجموعة ناسبتني
حياج الله
:))
Post a Comment