15 August 2010

smart shopping ..





كل عام وانتوا بخير .. وربي يعوده علينا وعليكم وعلى حبيايبنا لا فاقد ولا مفقود ان شاء الله


سبحان الله عندنا عاده حلوة تسبق رمضان الي اهي التجهيز حق رمضان شرفه الله وامي الله يعطيها الصحه والعافيه اتحب اتحضر كولكشين يديد من ادوات المائده والاطباق والاواني يعلها عاده ما تنقطع ان شاء الله .. ويوم كنا في احد المولات اليديده في الكويت نتريق ريوق قريش وبعدها قررنا انتمشي انا وياها نتفرج على محلات الاواني ونختار الي يناسبنا ولفت نظر امي طبق فضه له قاعده كان شكله حلو ومميز وانا اقول في بالي سبحان الله شلون صار ذوقنا واحد !!
انا توني شايفه نفسه وكل مره اعزم آخذه واهون ما ادري شنو يردني عاد قالتي امي شوفي سعره اطالع الليبل والا سعر الصينية 38 دينار وامي تقولي حتى سعرها مناسب خل ناخذها وفي مره معانا تابع الحديث وشدتها الصينية وقالت اي والله خوش صينيه وهم عزمت بتاخذها انا اهني استوعبت نفسي من مفاجأة السعر وقلت حق امي يمه اذا تبينها انا شايفتها بمكان ثاني ب 5 دنانيير بس!! المره الي معانا طارت عيونها وسألتني من وين ودليتها المكان وطلعنا من المحل ووديت امي المكان وشرت الصواني الي تبيهم وبس هذي القصه ..
بس الفايدة الي ابيها من ذكر هالسالفة ان السوق بالكويت حلو ومتنوع بس يبيله شويه انتباه وملاحظة واختيارات ذكيه واكيد راح تتوفقون بالمشترى بدون خساير زايدة خاصة اذا انتو محبين للتجديد والتنويع .

8 comments:

بـــــقــشة said...

مبارك عليكم باجي الشهر وعساكم تعودونه بصحة وسلامة
انزين ماعرفنا المكان الثاني ياريت اعرف عندي غبقة واحتاج عالصينيه وين احصلها ؟

Anonymous said...

ايه و الله كلله تصير :)
امي عاد نوعها تحسم القرار و تنقي بنفس اللحظه انا
لازم افكر و احس :)

تسلمييين :)

Hanadi said...

mashalla 3laich walla.. min wain nelageehum wayed helween

star said...

hi all

:)

Thanx for your nice comments

the trays min center point

x_x

بـــــقــشة said...

انا شايفتهم بس جنه السايز اصغر من الي مبين بالصورة يعني يادوب اييزي الغوري مع السكانات :(
مبينين بالصورة اكـــبر

star said...

ما أدري انتي وين شايفتهم .. في حجمين للصينية واتوقع تكفي القوري والاستكانات

Unknown said...

انا خاطري فيها بالعافية عليكم بس سؤالللللل وين لقيتها ب 5 انا شريتها بشي و ثلاثين من سوق مغربي

star said...

هلا أميره انا ذاكره بالردود الاولى يمكن ما انتبهتي .. خذيناهم من سنتر بوينت
والله يعافيك