أمس حضرنا ديزي وأنا ندوة عن الحرية النفسية للاستاذة ليلى الربعى .. أنا سامعة عنها واااايد والكل يمدح الدورات وجلسات الاسترخاء الي تسويها .. بس أول مرة أحضر لها ندوة كانت أمس وان شاء الله ما راح تكون الأخيرة .. موضوعها عن الحرية النفسية من الطاقة السلبية وشلون نعالج نفسنا بدون الحاجة الي الادوية ونتخلص من الأدمان على كل شي مضر بداية من الشاي والقهوة و المسكنات ووصولا الي العادات السيئة أو الأشياء المضرة ...
طبعاً أول انطباع اخذته كان عن مقدمة الندوة ما شاء الله عليها ويها سمح ومريح واسلوبها راقي وتحسين بمدى ثقتها بنفسها واعجابها بالشغله الي قاعده تقدمها ... وثاني انطباع كان عن موضوع الندوة انه الطاقة السلبية سواء من مشكلات أو ضغوط تتراكم في العقل الاوعي وتسبب لنا مع الوقت أمراض عضوية سببها نفسي .. استاذة ليلي علمتنا طريقة نسويها مع بعض العبارات الي نرددها علشان نتخلص من هذه المشكلات ونطلعها من عقلنا اللاوعي علشان نقدر انظم الطاقة في جسمنا ونتخلص من الامراض الي اصلها نفسي مو عضوي ... وثالث انطباع كان عن الحضور ما شاء الله القاعة كانت مليانة على الآخر والكل كان مشارك معها ويسألونها وايد واهي كانت ترد على كل سؤال ..
خوش ندوة اذا سمعتوا عن ندوة للاستاذة ليلى شاركو فيها وااايد راح تستفيدون .. والصدفة الغريبة والحلوة ان بعد الندوة رحنا تعشينا في الافنيوز ووكنا نسولف عنها وصادفنا الاستاذة مع جروب من الندوة موجودين معانا في نفس الكافية ^_^
2 comments:
روعة عاد انا احب هالسوالف اذا صادفت دورة ثانية ممكن تنشرينها ببلوغج او تبلغيني ايميل اذا ما فيها كلافة عليج و اتمنى تكونين مستفادة من الدورة :))
أهلين أميرة
أي ان شاء الله اذا صار عندي خبر راح احط عنه في البلوق
Post a Comment