01 December 2010

Polaroid Camera


طلبت لي من أمازون كاميرا بلارويد .. من فترة بخاطري ودورتها بالكويت عند أشرف و الغانم وكل محلات الالكترونيات ما حصلتها وقالولي مو موجودة بالكويت .. عجبني هالموديل لانها تعتبر نوعا ما صغيرة بس المشكلة انه حتى صورها صغيرة بس عادي اهم شي اني اصور وتنطبع الصورة على طول ... وهذا أهم شي لأني كله ما فيني صبر ابي كل شي بسرعة ... وااااي يا وناستي فيها وحبيت ستايل التصوير فيها حده ريترووووو ولها ماجيك تذكرني بصورنا القديمة .. حتى ديزي تقول لي خل نجرب نلبس ريترو ونصور بنسوي جلسة تصوير أولد فاشن حدها .. شوفو صورة أصيص الورد حطيتها كمثال شلون تصير الصورة وطبعاً اول ما تطلع من الكاميرا ماكو شي مختفيه بس خلفية بيضة وشوي شوي تطلع الألوان لين تغمج وتثبت الالوان شوفو الصورة الأولى مالت الوردة افتح شوي من الثانية.

7 comments:

Unknown said...

بالعفية يعطيج خيرها و يكفيج شرها شكلها حلو

Anonymous said...

شيشتيني عالكاميرا

عاد انا اموت على الكاميرات ما عندي مانع اكود

بس اذا اخلصت الاوراق تلقينهم بالكويت او تطلبين؟

شاي الضحى

رورو الشخبوطه said...

احبها الكاميرا الفوريه..

حلوه ماشاءالله..

جم طلعت عليج؟؟

وبالعافيه يارب..

VELVET said...

عليج بالعافيةذكرتني بأيام قبل
بس شلون لي خلصت الافلام؟

star said...

مشكوووورين وايد

والله يعافيكم

بالنسبة لسعرها ما اذكر جم لاني طلبتها مع اغراض ثانية

وبالنسبة للفلم انا طلبت معاها خمسة افلام كل واحد في 10 صور
يعني كمية زينة

وانا خلصوا راح اطلب مرة ثانية الافلام
وعموما التصوير الوايد حق الكاميرا الديجيتل مو حق هالنوع من الكاميرات

Roro said...

ذكرتيني عنده وحده فوريه بس نسيت شنو ماركتها شاريتها من مصور الجمعيه قبل قرن لوول من زمان نسيت متى ;x

بالعافيه

star said...

roro

واااي يا بختج فيها انا هاذي الي ابيها الكاميرا العتيجة بس اخاف ما احصل لها افلام على الاقل هاذي مطورة وافلامها موجوده

عليج بالعافية

;)