31 January 2012

january favorties


البي بي كريم المفضل لي هل الشهر من ديور
درجته ملائمة جدا للون بشرتي ودرجة الحماية وااايد زينة 50 +++
ياي البي بي كريم من لاين ديور سنو الاين المشهور المخصص للتبييض
ويشتغل على خمس خصائص توحيد اللون ، تنوير البشرة ، ترطيبها ، نعومتها و امتلائها ..
يفتح مع الاستمرار من التبقعات الي في البشرة ويمنع ظهورها ...
وااايدلاحظت ان بشرتي افتحت هل الشهر مع استخدامي لهذا البي بي باستمرار ..


تونر برث او فرش اير  من لش
يرطب البشرة وينعمها ويقلل تهيجها واحمرارها من مكوناته الالوفيرا والورد والباتشولي والروزميري
حبيت خفته وان يعطي انتعاش للبشرة احسه يعقم البشرة عدل ما احس فيه خصائص ترطيبيه مثل ما اهو مذكور وما حبيت المرش ماله ( البمب او السبراي ) ما ادري شسمه بالضبط بس طريقته برش المستحضر سخييييييفه يحذفه على الويه بدفااشه امم يعني ما يسوي مست او رذاذ خفيف .. بس كبرودكت حبيته ..



كريم مرطب ويقلل من نمو الشعر من فيت
79% من السيدات الي جربوه لاحظوا منه نتايج .. تركيبه تستهدف بصيلات الشعر ويقلل من نموه حتى للشعر القاسي
وااااااايد مستانسه منه حسيت صج يقلل من نمو الشعر او يبطأه جربت قبله كريمات من دكاترة الجلدية اقلها ب 60 دينار ولا شفت منها نتيجة بالعكس سببت لي حساسية والتهاب في بصيلات الشعر .. بس هذا الكريم الرخيص والكويس المتوفر بالجمعيات شفت منه نتايج حلوة وطريقته تستخدمينه يوميا بس انا استخدمه بعد جلسات الليزر بس هم حسيته ياب نتيجة..


لزقات البثور من نكست كير
لزقات شفافه تحطينها على اي حبه على الويه وتختفي مثل السحر ما تلاحظينها الا اذا قربتي عدل ..
مضادة للماي يعني حتى لو غسلتي ما اتاثر وتحمي من التهاب واحمرار البثور وتمتص المادة الي داخل البثور خلال يوم وتساعد ان تروح البثور اسرع وتسكن من الالم الناتج عن الحبوب ..

واااايد حبيتهم صج تساعد ان تروح الحبوب بسرعه وتخفف المها وتخفيها وتطيب اسرع ..
احسن بوااااااااايد من الكريمات الي تنشف والي تزيد من التهاب البشرة واحمرارها وتخلي البشرة متهيجة .. 



4 comments:

mimi said...

موضوع ممتع
بس بلييييز ممكن اعرف وين نلاقيهم بالذات الثلاث الاخيرين
واللي حق الحبوب
شكرااااااااا

lazy dazy said...

مشكووورة ميمي

التونر من لش شاريته من فرعهم الي في اولمبيا

الكريم الي من فيت من الجمعية

ولزقات نيكس كير من ماليزيا

Dolores said...

شكرا ع الافاده من احسن البلوغات الصراحه.. يعطيج العافيه
بيرب ديور مشكلتي اقعد اشتغل على الكمبيوتر يالساعات ويوميا بشكل متعب ومرهق لبشرتي واحتاج شغله عمليه توفرلي حمايه شامله .

ليزي بما انك تحبين الشغلات الخاصا بالبشره جربي وتر فيشل سيبري من ايفيان
give it a try you will like it.

bent el deera said...

ما شاء الله عليج
مواضيعج تينن

حتى لو ما اعلق على طول بس دايما اقره

مشكوره :*