هوايتي اليديده .. طرا على بالي اتعلم الخياطة .. انا نهائيا ما اعرف اخيط وفي حصة الخياطه ايام الثانوية اودي شغلي الخياط لاني ما احب اخيط وحتى الزرار ما اعرف اسويه ..
المهم اشلون طق في بالي ابي اخيط ؟؟؟ ما أدري ؟؟؟
بما اني اعرف نفسي راعية هبات رحت انا وستار اندور لي مكينه خياطه مناسبة تساعدني في هوايتي اليديدة
وايد مستانسة منها الوانها بنوتية >_<
وتشب ليتات وحجمها صغير وسهله في الاستعمال ..علمني عليها البياع ومعاها برشور بعد يساعد
ما هقيت ان مكينة الخياطة سهله ومو معقدة مثل ما كنت اظن ..
اول مشروع سويته بلعبتي اليديدة كان غطا حق المكينة نفسها ما يه معاها كفر وابي شي يحميها من الغبار
فسويت سيرج ولقيت طريقة سهله حق كفر المكينة
فسويت سيرج ولقيت طريقة سهله حق كفر المكينة
يعني عشتوا ابي اسوي مثلهم فقعدت و خيطت
والنتيجة
|
|
|
|
يعني مو مأساوية وااااايد .. كان عندي خام شاريته من ايكيا وقلت اجرب فيه
وكاهي يحليلها متدفيه وشزينها :)
أمممم بديتوا هوايه يديدة مع السنة اليديدة ؟؟؟
تعرفون تخيطون ؟؟؟ ومنو علمكم ؟؟؟
ودي ادخل دورات تعليم خياطة وافصل لي سوالف وموديلات ابالي ..
10 comments:
من وين المكينه شكلها وايد ذرب؟
وااااااااااو صراحه أهنيج صار لي فتره تدور في بالي الفكره والحين تشجعت لما شفت البوست ..... ان شاء الله نشوف ابداعاتج ... حلوه المكينه بجم أخذتيها في بالي آخذ سنجر تتوقعين هذي احسن ???
حلو ماشاءالله ..
ونتيجة بالعكس زينه ..
عن نفسي طخيت عن كلشي :\ ودي ارد للبيوتي والقراءه..
والله يعطيج العافيه
Anonymous
ستار ودتني المباركية ورا الصراريف اممم ما اعرف اذا له اسم معين بس فيه محلات يبيعون مكاين الخياطه
Anonymous
مشكوووووورة
سنجر يمكن رحت لهم اربع مرات وكل مره يصير شي وما اخذها سبحان الله مرة يقولون لي سعر واذا رديت بشتريها قالي السعر تغير المهم يوم رحت وشفت هذي يازت لي اكثر من السنجر وسعرها على ما اذكر 45 دينار
اهلين وسهلين رورو
مشكووورة على الاطراء
ههه استحي :)
اي صح من زمان ما حطيتي رفيو عن كتب قاريتها اللحين نبهتيني
شدي حيلك يا بت واتجدعني وخلي عنك الكسل :)
وناسه
على طاري الهوايات
انا كل اشتري اشياء عشان ابدى بهوايه و اخليهم بالكبت على حطت ايدي لووول
مره شريت لوحة و الوان خشبيه
و مره شريت جوخ و سنارات حق الكروشيه
و ماشتفيد منهم للاسف :\
صباح الخير ..انا امي كانت تخيط لنا هدوم ونلبسها :)
وانا هبيت في الكروشيه ..وبالتصوير وتشكيل مجوهرات وكل شي كنت اهتم فيه اخذ دورات واشوف نغسي اذا حبيته استمريت فيه اذا لا تركته ..
حاليا ماعندي وقت الا لشي واحد لما اوصله راح ابلغكم ادعولي ..:)
مشكورين
صباح الخيرات والبريدات
ما شاء الله خووش شي والله
وان شاء الله موفقه بمشروعك اليديد
وناسه اهنيييج واشجعج على هالهوايه
حتى انا بخاطري اتعلم الخياطه والكروشيه
بس محد يدش معاي دورات
مره يبت صوف وسناره من بركات على بو اتعلم من اليوتيوب اتعلم الغرزة اليوم باجر انساهاااا لوووووول بس كنت استانس اذا ضبطت الغرزة وكل يوم ابلش من الصفر خخخخخخخخخخخخ
ناطرة دورات التطبيقي هالصيف بشوف بنزلون دورات خياطه او عطور او كوروشيه
Post a Comment