Somewhere , out there , in this wonderful world there is a place where the groom washes his wife's feet as part of their wedding ceremony !!!! can you imagine that !!! uhh.. what a blessed pride .
my mind keeps having these images of a kuwaiti wedding and the groom entering the ballroom with his fellows and family and a "6ashet" popping in the end !!!! LOOOOOOOOL
well, thats another story ..
comming back to my post today about washing FACES.
I like having my pores clean and my face squeaky clean.. and I have some tools to ensure that ..
احنا كنا حاطين من قبل عن جهاز كليروسونيك ميا والجهاز البديل الي ارخص منه
هذولي الاجهزة هم نفس فكرتهم مع شوية اختلافات
الاول من نيتروجينا واسمه ويف اتوقع شفتوه بالجمعيات موجود والثاني من دوف
الاول الي من نتروجينا صارلي استخدمه من 3 سنوات او اكثر الحلو فيه حجمة صغير فسهل الاستخدام حق الويه والمناطق الصعبه فيه يوصلها بسهاله ، استخدمه غالبا لما احط مقشر على بشرتي احب ادلكه بهل الجهاز يساعد ان يشيل طبقات الجلد الميت اسرع واحسن.
عيوبه القطنة ناااااااااشفه اهو اصلا فكرته ان القطنة الي نلزقها على الجهاز منها وفيها صابون بس نحط ماي ونشغل الالة ترغي وتنظف الويه بس انا اضطر دايما اني استخدم المنظف مالي ما اعتمد على المستحضر الموجود بالقطنة .
له متوفر نوعين من القطن الوردي اهو العادي الي فيه صابون والنوع البرتقالي الي للتقشير بالنسبة لي جربتهم اثنينهم ما احس في فرق بينهم وااايد الاسفنجة المقشرة جدا خفيفة ما تحسين فيها وايد وكمية الصابون هم اشويه في الثنتين ..
جهاز دوف .. انا عموما احب صابون دوف فقلت اجرب جهازهم الحلو فيه كجهاز ان الصابون الي في الاسفنجة يرغي وااايد واتحسون الاسفنجة رطبه وبس تبللونها بالماي تعطي نتيجة انا شاريتهم من امريكا من زمان و للحين رطبين ..
حجم الجهاز كبير وهذي ميزه وعيب الميزة ان تقدرون تستخدمونه حتى للجسم وقت السباحة يساعد يدلك ويقشر بشرة الجسم وتصير انعم والعيب انه صعب استخدامه في منطقة الوجه راح يغطي العيون وما فية مرونة جهاز النتروجينا الي اتحكمين في مكان الاستخدام اكثر ..
وهم جهاز دوف اتوفر فيه نوعيات مختلفة من الاسفنج حق انواع الاستخدامات المختلفة للتقشير او الشد او مجرد تنظيف 
انا عموما احب هل الاجهزة وصارلي سنين استخدمها واحسها ضرورية تقلل حاجتكم لعمل الفيشل لان تحسون بعد الاستخدام ان مسامات الويه انظفت وان البشره صارت مشرقه اكثر ..
7 comments:
مشكورة ع الافادة و الموضوع الحلو
بس سوؤال جهاز دوف متوفر بالكويت
لان انا شفت جهاز نتروجينا
و ع فكرة انا بشرني حساسة من الدرجة الاولى
فهل تنصحيني ان اجربه و لا اتركه اخير ؟؟؟
و مشكورة مرة ثانية
اهلا ناعمة
لا دوف موموجود بس النتروجينا
اممم ما ادري والله البشرة الحساسه صعبه والتعامل معاها لازم يكون بحذر
انتي حساسه \جافة او حساسة \دهنية ..
عموما ما احس الاسفنجة العادية خشنه على البشرة( لاتفكرين بالمقشرة) وتساعد اتنظف البشرة من الملوثات وعوامل الجو الي تزيد الحساسية بس خوفك من نوع الصابون الي مستخدمينه فيها ما يناسب بشرتك!! اقري المكونات على العلبة قبل لاتشترينه وتاكدي منها
ماشاءالله ..
شوقتيني عليهم و على امريكا اكثر :)
جربت نفسه فكرتهم للجسم بس خرطي ماحبيتها
بس كانت مفراكة الكترونيه بدون صابون..
للويه عندي فرش عاديه باكثر من شكل ..
نتروجينا شفته بس بس متعقده منه :\
قلت قصة حياتي خخ..
مشكوره ..
اهلين رورو ان شاء الله تروحين امريكا
اممم ليش ما تحبين نتروجينا عجيبه هل الماركة فيها سوالف اتهبل ما احصلها في ولا ماركة ثانية وعندها سوالف ما حبيتها بس هم تعتبر ماركة ممتازة عطيها انثر شانس :)
ان شاءالله..
لانه استخدمتها بالثانوية وقبت بشرتي منها..
وجربت كريم الايد ماحبيته
يمدحون جهاز سيقما مال الويه
انا عندي نيتروجينا ماحبيتها ماتنظف عدل و ما ترغي ..
Post a Comment