Homemade Cookies

stress release baking is the most relaxing kind of baking =)

وصفة سهلة ولذيذة ..  بسكوت بحشوة الجوز والتفاح

هالأيام صايرة أحب التفاح وايد حتى عصير التفاح صار المفضل عندي

علشان جذية لما شفت هاذي الوصفة على طول حبيت أجربها واستانست لما ضبطت معاي

المقادير:

كوبين طحين

قالب زبدة

2 ملعقة روب

2 ملعقة سكر

1 ملعقة ص بيكنيغ باودر

1 ملعقة ص فانيليا

بيضة

2 ملعقة زيت ذرة * تضاف اذا العجينة كانت يابسة *

الحشوة :

1 علبة التفاح بيوريه * أكل الأطفال الجاهز*

1 ملعقة دارسين مطحون

150 غرام جوز مطحون

هيل *حسب الرغبة*

سكر بودر للتزيين

الطريقة : تخلط جميع مقادير العجينة مع بعضها بعض وتعجن حتى تتماسك اذا كانت العجينة ناشفة يضاف الزيت السائل حسب الرغبة .. وتترك بالثلاجة لمدة ساعة حتى ترتاح

بالنسبة للحشوة : تخلط المقادير مع بعض وتكون خليط متماسك 

بعدين نفرد العجينة على حسب الشكل المفضل .. انا سويتها مثلثات وحشيتها بالحشوة ولفيتها على شكل الكرواسون أو كعب الغزال .. وندخل الصينية الفرن لغاية ما يصير لون البسكوت ذهبي ولما نطلعهم نرش عليهم سكر بودرة  للتزيين

وبالعافية :)