من الشيفات العالميين المفضليين عند ديزي جيمي أوليفر .. علشان جذيه كنا وايد حابين نجرب الأكل في المطعم الخاص فيه بفيستسفال مول في دبي " جيميز ايتاليان " .. وايد حبينا أجواء المطعم فعلاً تحسون أن التصميم خاص بجيمي وذوقه وايد حلو بالمكان واختيار الديكورات وحبيت الشبابيك الكبار والإضاءة .. وطبعاً أول ما تدخلون المطعم تستقبلكم كل كتب جيمي مرتبينهم على الأرفف..
نيي حق المنيو .. من حظنا أنهم كانوا توهم من يومين مغيرين المنيو وحاطين منيو جديد .. ضايفين البيتزا على الحطب بالفرن woodstone .. قبل كانوا يشوون السمك فقط بهذا الفرن والحين ضافوا البيتزا .. ما أدري ليش ما طلبت السمك :(
الأكل كان جداً لذيذ والقعدة كانت حيل حلوة بس حسافة المطعم يطل على ممر مائي مغطينه بسور خشب وزرع مبين بالصورة الي فيها القعدة الخارجية .. بس على العموم التجربة أن شاء الله راح نكررها ونجرب أطباق ثانية
2 comments:
جربته ماعجبني اكله أستغفرالله :s
نزهاوية: قالت لنا الويتر انهم توهم مغيرين المنيو يمكن علشان جذيه
Post a Comment