قريت بالمجله ان صوروا الممثله جينفر انيستون في لوكيشن واحد من افلامها واهي تستخدم كريم نيب + فاب على سيقانها طبعا سيقانها غنية عن التعريف :) وبس من ذاك اليوم وانا ادوره قريت انه متوفر في دبي بس ما حصلته
وذا اليوم والا اشوف بوتس الكويت منزلين ماركة نيب + فاب ونااااااسه
الماركة يستخدمونها وااايد سليبريتي مثل انيستون وجوليا روبرتس واوليفيا باليرمو
الماركة اسعارها رخيصه تعتبر من رينج الدرج ستور براندز بس ككواليتي قريت عنها رفيو زينه عموما
وطبعا اول شي شريته كريم جنيفر انيستون
اسمه دراي ليج فيكس مكوناته الاكواسيل لترطيب 24 ساعه والشيا بتر للمحافظة على الرطوبه وطراوة البشره والجلسرين للنعومة .. حجمة 100 مل بس شكله اقل احسه بيخلص مبجر ما احس فيه كميه كبيره كبرودكت للجسم صرت استخدمه حتى حق ايدي مع ان عندهم دراي هاند فيكس بس مو متوفر بالكويت لسه .. كترطييب حلووو حبيته يرطب من غير ملمس زيتي
في شغلات قاريه عنها ودي اجربها من هل الماركة بس ادري بالفتره الحاليه مالها مكان في روتيني ومابي تنركن حتى اشعار آخر ومدام موجوده الماركة بالكويت فما ابي استعيل واشتريهم ..
جربتوا هل الماركة من قبل وشنو اتحبووون منها ؟؟؟
5 comments:
البارحة اسولف مع نفسي عن الجفاف اللي حايش اريولي واقول مالي خلق اروح للدكتور عشان يصرف لي مرمم للبشرة ، ادش مدونة ليزي يمكن احصل شي وفعلا حصلت شي ..
مشكورة ولا خلا ولا عدم والله ينفّع فيكم يا رب ...
ياي @@
يبيله والله .. بشوف بوتس عندنا اذا مالقيت باخذه من الامارات
ثانكس على الخبريه التحفه
هلا والله قرص عقيلي
وانتي مشكورة على كلامك الطيب
هذا شي يفرحنا
Kawkawii
العفو الغالية
ان شاء الله تحصلينه
" لا يشكر الله من لا يشكر الناس "
شكرا ليزي الكريم فعلا عجيب شريته ومن أول استخدام لاحظت تغير ملمس اريولي كل ما شفت الكريم قلت الله يوفقج وفعلا الله يوفقج ويعطيج ما اتمنين ...
قرص عقيلي
يا حياتي يا قرص عقيلي ما قصرتي على هل الدعوة الحلوة مثلج وعليج بالعافيه واتمنالك الزين والخير بكل شي
وان شاء الله انكون عند حسن ظنكم
Post a Comment