اليوم رحنا معرض الغذاء في أرض المعارض لسبب انه نازل كتاب المطاحن اليديد والكتاب منوع ومقسم حسب الاصناف من الشوربات الي الحلويات وهاذي صور طبخات شكلها لذيذه داخل الكتاب ..
صورت المكان والله شرح ومرتب
طبعا ما طولنا في المكان تمشينا فيه على السريع .. وشرينا علب ربيان بالبقسماط مثلج من شركة الدانة للأسماك .. لذيييييييييذ اذا تحبون الربيان الي في شرمبي راح يعجبكم لأنه نفس الشركة وسعر العلبه 1,5 KD وفي احجام للربيان صغير و وسط وكبير.
واذا تحبون الربيان المقلي في نوع ثاني مجربينه ولذيييييييذ .. ربيان مغلف بالبطاط .. واهم شي مو زفر وحتى ربيان الدانه ما فيه زفره بالمره .. وهذا ماخذينه من مركز سلطان واعتقد سعره ما يتعدى 2 KD.
المهم انيي حق التارتار صوص الي لازم تتقدم مع هالنوع من الاطباق اذا نبي صلصه على السريع وجاهزه شنو الذ شي مجربينه .. احنا جربنا التارتار مالت ماركس اند سبنسر .. ما يازت لي لانه طعم المايونيز واضح فيها وانا ما اواطن المايونيز الثقيل ..
8 comments:
شوقتيني ودي اروح المعرض عشان اشتري خبز رقاق شكثره عندهم ماشالله ..
و كتب المطاحن و غيرهم ياكثرهم عندنا بالبيت .. مقطوطيين بالكبت و محد يدري عنهم .. و لي بغينا نطبخ طلعنا وصفات اون لاين .. مادري ليش نحب نيمع دثرة :P
عليج بالعافية شكلة حلو الربيان ولو اني ما احبه ..
كتبت تعليق شطوله بس مادري وين اختفى!! ..
تشوفينه؟؟
Your comment has been saved and will be visible after blog owner approval.
u'll publish my comment wont u ? :$
السلام..
بالعافيه يارب..
ماشاءالله الكتاب شكله يشوق وهم الربيان بعد بالعافيه عليكم يارب..
اما الصولص ماعمري جربته الا بالمطاعم..
في صولص جربت منها السيرز حلو بس مادري اذا في للربيان او لا اسما ام اف ..
وبالعافيه مره 2..
مشكوره..
مرحبا زعفرانه
أسمج حلوو لأني أحب الزعفراااان بصورة مو طبيعيه
الكتب مفييييده واحنا في البيت ما نستغني عنها
الله يعافيج والربيان لذيييذ غريبه قليل الي ما يحبونه
=]
أي تعليقج موجود و اشوفه و الحين انتي بعد تشوفينه و رديت عليه
;P
very funny by the way =D
هالو رورو
الله يعافيج
:**
مشكوورة وان شاء الله لي فره بمركز سلطان وبشوف الصلصات الي هناك وساوافيكم بآخر المستجدات
;P
حياج الله
اللللللللللللله انا ويني عن هالمعرض
ياحبي حق البلع هههههههه
لازم اودي امي راح تستانس
بس بسألج مو زحمه؟ لان طفارتي الزحمه
ومشكوووووره انج قلتيلي
مراحب يا شاي
روحي الضحى أو العصر مبجر
العفو
=]
Post a Comment