من محلاتنا المفضلة أنا وديزي في أمريكا Anthropologie المحل يتكون من قسمين الأول أثاث وأكسسوارات للبيت والثاني والأهم بالنسبة لي قسم الملابس والاكسسوارات والجواتي .... عجيييييييب كوليكشن الملابس عندهم .. وحتى ديكور محلاتهم حلو ومتميز طبعاً اذا دخلنا المحل نقعد بالساعات فيهم ولا نخلص .. تقريباً بدون مبالغه أخذ معاي لغرفة القياس كومه من الملابس شي عجيب وايد أحب ستايلهم .. المهم ودايماً نقول حق الي يشتغلون في المحل ليش ما تفكرون تفتحون بوتيكات لكم برا أمريكا لأنه المحل ناجح 100% واقترحنا عليهم دبي الصراحه نبي أقرب شي لنا ..
كانوا يقولون لنا الشركة قاعده تدرس تفتح لها فرع في لندن لأنها من عواصم الموضه في العالم وااايد فيها سياح من مختلف بلدان العالم سواء من آسيا أو أوروبا أو الشرق الأوسط .. والخبر الحلو والي فرحني الصراحه أن انثروبولوجي فعلا راح تفتح فرع لها هالشهر في لندن في ريجنت ستريت .. يا حلو بوتيكات أمريكا قول وفعل ما شاء الله عليهم .. والكوليكشن الشتوي الي نازل في سايتهم وايد حلو بغيت أعرض لكم صور منهم بس احترت وانا انقي وايد شغلات انيقه فالأفضل تدخلون السايت و تشوفون بنفسكم ^_^
5 comments:
شكله يشوووووووووووووق
بس حسافه هم بعيد ما احب لندن :(((
ما تدرين اذا يوصلون الكويت؟ يعني نطلب بالنت
السلام
مشكوره ع السايت..
شاي
حده يشوق وعلى الطبيعه أحلي
لا يا معوده العوض ولا القطيعة راضين بلندن وجود بعدين يفتحون لنا فروع أقرب بس بالكويت ما أدري إلا أن جان الشايع ياخذ وكالاتهم
أتوقع يوصلون اذا عندج حساب آرمكس
رورو
العفو :)
هاي
مشكورة على السايت
تسلمين
انشاءالله نصير اصدقاء
mazyona777
العفو وحياج الله :)
Post a Comment