11 October 2009

قرص العسل

انا من متابعات قناة فتافيت .. وما احب بس اتابع لأ احاول أطبق الوصفات الي تطلع وتشدي اما لغرابه المكونات او كحب تجربه شي يديد
طبعا من احلى البرامج برنامج نايجيلا لاوسن .. وصفاتها سهله ولذيذه

هل المره جربت لها وصفه انا نسيت شنو اسمها بس انا سميتها قرص العسل ولذييييييييذه وسهلللللللله مكوناتها بس 3 أشياء :
سكر + عسل + بيكيج صودا والنتيجه .......




مقاديرها : نصف كوب سكر + 4 ملاعق عسل + 1.5 ملعقه بيكينج صودا
الطريقه اتذوبون السكر مع العسل ولما يذوب السكر تمام اتسكرون النار واتضيفون البيكينج صودا وتخلطونهم ابسررررعه وتصبون المزيج على ورق زبده وبعد ربع ساعه راح ييبس القرص وتقدرون اتكسرونه وبسسسسسس
شرايكم اتجربونها .. اتونس

5 comments:

رورو الشخبوطه said...

السلام..

شكله يشوق ماشاءالله وحلو الفوشي..

بالعافيه يارب..

وتسلم ايدج..

كويتيه said...

يم يم يمييييي
اممممم اخذت الوصفه بطبقها و بزيد عليها شغله و بحطها عاد جربيها مع الاضافه و قولي لي رايج :)
وناسه ههههه

bent el deera said...

شكله يونس
بالعافيه :>

lazy dazy said...

رورو هلا والله شفتي حركاتي :)
اسوي حركات وانا اختك والله يعافيك ان شاء الله

كويتيه

يه يه شنو الاضافات وااي شوقتيني خلاص انا ناطرتك :)

بنت الديره
الله يعافيك شكله ايونس وطعمه غريب
:)

Butterfly said...

mashkoraa 7bebty kent adawer wa9fat-ha hathy :>