اليوم رحت تافولا محل متخصص بمعدات وتجهيزات الحلويات والأواني الفاخرة .. شد انتباهي في مقدمة المحل ستاند كامل في جناط فضية وذهبية راقية ومتخصصة بحفظ الأكل والأحجام متفاوته من الصغير إلى الكبير الي ممكن حسب ما اتوقع أنه يشيل مواعين كبيرة لتقديم الأكل.
المهم عجبتي الجنطة الذهبية الصغيرة كبر جنطة المكياج تقريباً بس لحفظ الطعام .. وقررت اني اخذها و اسويها اللانش بوكس مالتي حق الدوام لما أخذ معاي ريوقي أو ساندويش أو فواكه مشكله أو روب وغيرها.
المهم عجبتي الجنطة الذهبية الصغيرة كبر جنطة المكياج تقريباً بس لحفظ الطعام .. وقررت اني اخذها و اسويها اللانش بوكس مالتي حق الدوام لما أخذ معاي ريوقي أو ساندويش أو فواكه مشكله أو روب وغيرها.
ولما رديت البيت @@ الكل علق على جنطتي شنو لانش بوكس رايحة الروضه ؟؟ أسم الله علي ليش الروضه بس الكتاكيت الي بالروضه يشيلون لانش بوكس أنا في العادة أحط أكلي في تبر وير وبعدين في جيس حافظ أبي أسوي نيو لوك حق ريوقي لأنه الوجبة المفضله عندي و أبي أحط الأكل في جنطه حلوة .. اقتنعوا حبايبي في فكرتي ورايي لأنهم يحبون الفناتق و الزين ^_^ ومو بس جذيه راح نروح مره ثانية مع بعض وأوريهم الجناط الحافظة الكبيرة الي تنفع حق اذا بنتنقص شي حق أحد من أهلنا أو طلعات المزرعه أو الياخور في الربيع الي ياينا.
وعلى فكرة تافولا عندهم صفحة على الفيس بوك يحطون معلومات عن بضاعتهم و مواعيد الدورات الي يسونها و الأشياء اليديدة الي نازله عندهم .
وعلى فكرة تافولا عندهم صفحة على الفيس بوك يحطون معلومات عن بضاعتهم و مواعيد الدورات الي يسونها و الأشياء اليديدة الي نازله عندهم .
7 comments:
والله شكله واايد حلو وراقي
وفكرته حلوة حق الي ياخذ ريوقة الدوام على قولتج وينفع حق بعض الناس الي دايما يشيلون معاهم اكل وشغلات معينه... عندي وحده من الاهل فيها سكر ودايما معاها جيسها الي تحط فيه شغلات تنزل السكر عندها ومعاهم ادويه
راح ايبلها هاللانش بوكس هديه تنفعها :)
Angel Orchid أهلين
مشكوورة كلك ذوق
وفرحتيني أنه عجبت الفكرة وراح تهدينها حق قريبتج جزاك الله خير أنك فكرتي فيها
الله يعطيها الصحه والعافية
ترا سعرها 4 دنانير
وعندي فكرة إضافية وطبعا الرأي لك باختيار الهدية المناسبة
تقدرين تحطين لها داخل الجنطة ضمن الهدية أنواع من السناك اللذيذ والي يصير مفيد لمريض السكر من بسكوت صغار مجيس أو أنواع المكسرات الصحية من الرفاعي :)
السلام..
ماشاءالله لونها وايد حلوو..
بالعافيه يارب..
واااو
فكره حلوه و وايد كلاسي
بصراحه اهل فيلكا ماخلو شي
شكلها حلو وناعم وفكرتها حلوه احسن من شكل التبر وير
عليج بالعافيه :)
رورو
ريماس
شاي
مشكورين :)
شكله يونس.. على الاقل شكلها اذرهب من اللي يحطون اكلهم في جياس السوق وإلا جياس الجمعية
:D
Post a Comment