22 January 2011

Home Made Cake

اليوم جربت لأول مره أسوي كيكة واستخدمت خليط الكيك الجاهز لأنه أسهل وأضبط .. بس السبب الرئيسي لأن جدتي الغالية الله يرحمها ويغمد روحها الجنة كانت تحب هذا الكيكة وعلى طول يحضرونها في بيتها سواء حق الضيوف أو حقنا .. ألحين نيي حق الإضافات الي تقدرون تستفيدون منها لما تسون هالنوع من الكيك :
  • لا تحطون ماي على الخليط حطوا حليب سائل.
  • حطوا في الخليط فانيلا ضروري علشان زفرة البيض .
  • تقدرون تبدلون الزيت بالزبدة .
  • ضفوا في الخليط هيل و زعفران و سمسم على الويه وتصير قرص عقيلي سهل.
  • في خليط كيكة الكاكاو حطوا حليب كاكاو بدل الماي .
  • في خليط البرتقال حطوا عصير برتقال فرش بدل الماي.

كنت ناوية أحط glaze البرتقال ( سائل حار مثل الشيرة الخفيفة تتشرب فيه الكيكة) حق التزيين على الكيكة بس للأسف ما لقيت عندنا برتقال.

2 comments:

كرمووله ّ said...

الله يرحمها يارب

الغاليه
الى فهمته انه المقادير :
كوب حليب
فانيليا
ربع كوب زيت
وسمسم و هيل وزعفران
صح ؟

star said...

كرموووله

اهلين آمييين يا رب ومشكووورة

اي حطي حليب بدل الماي حسب الكمية الي على العلبة

واذا تبين تسوين قرص عقيلي ضيفي هيل ناعم وزعفران للخليط والقالب دهنيه اول بزبدة بعدين رشي كمية سمسم عليه وبعدين صبي الخليط