03 January 2011

My Lovely boots









تكملة حق موضوعي عن الجواتي المشغولة بالايد ،، في سفرتي لاسطنبول رحنا مكان مثل بازار صغير عبارة عن ممر طويل في محلات على الصوبين تبيع اشياء فلكلورية تركية ،، مكان البازار قريب من متحف طوب قابي ،، ولفت انتباه اختي هذا المحل كل شغله تطريز يدوي على الجناط والجواتي ونقشاتهم عجيبة وحتى تعامل الستاف الي فيه ممتاز كل شي نبيه ايبونه لنا ويعرضون كل الستايلات علينا ،، اخترت لي هذا البوت ألوانه عجبوني وباللبس وايد حلو ذكرني بالبوتات الي يلبسونهم فرق الفلكلور الروسية ،، تحسف عقب اني ما خذيت لي معاه جنطه كروس صغيرة نفس النقشه كانت موجودة بالمحل وما شفتها الا وانا طالعة ..

8 comments:

Şenorită Faşhioniştă said...

تعرفيين شفتهم بالقرية العالمية في دبي عندنا

بس ماخذت منهم لان قلت اسعارهم مبالغ فيها !!

انتي بجم ماخذة هذا ؟ ^^

وشو رايج بالبس . . شو حلو ينلبس معاهـ ؟

وملبوس العافيه حبيبتي

star said...

Şenorită Faşhioniştă

أهلين

ما اذكر الصراحه كم كان سعره ,, بس حتى لو سعره غالي اعتقد يسوا لانه هاند ميد

وانا ماخذه البوت فلات علشان مريح باللبس وحلو باللبس مع الاشياء الساده وانتي وذوقج

الله يعافيج مشكووورة

رورو الشخبوطه said...

بالعافيه يارب..

احب التطريز عندي فلات عليه تقريبا مثل الوان ..

والجناط ماشاءالله شكلهم وايد راقي..

star said...

أهلين رورو

الله يعافيج ،،وصج متحسفه ليش ما خذيت لي جنطة

حياج

:)

candy cotton said...

بالف عافيه يارب عليج
ماشاء الله
ووايد حلو شغله

star said...

candy cotton

الله يعافيج مشكووورة كلج ذوق ;)

أميرة عربية said...

جد جد ذووووق

star said...

أميرة

مشكوووورة جد استانست من ردج

:))