الخباز معروفين في جودة الكيك الي يسوونه للحفلات علشان جذيه اخترنا نسوي كيكة عيد ميلاد عندهم لان صاحبة العيد ميلاد تحب البلاك فورست مالتهم لذيذه وفرش وخفيفة، فلما رحنا نسوي اوردر الكيكة غيرنا في الشكل الي معروض عندهم وطلبنا تكون بمواصفات خاصة مثلاً نبي طبقة الكريمة خفيفة حيل وما نبي الكاكاو المبشور الا على الاطراف وطلبنا وهذا اهم شي يضيفون لنا شرايح فراولة فرش بين طبقات الكيكة علشان ما تصير بس كريمة وكيك .. سجلت الموظفة طلباتنا وعطتنا وصل مكتوب فيه كل الي نبيه ..واستلمنا الكيكة بالموعد المحدد .. بس لما قصينا الكيكة تفاجأنه بأن ... ماكو شرايح فراولة ؟؟ والكريمة مو خفيفة ؟؟ كأنها كيكتهم العادية بس كاتبين عليها من فوق هابي بيرثداي ؟؟
الصراحة انقص ويهي شلون مو مسوين الي ابيه .. دقيت عليهم وقلت لهم السالفة ردت علي الموظفة تعالي اخذي فلوس الاكسترا تشارج مالت الكيكة ؟؟ ما اتوقع انه هذا اهو الحل لما اطلب كيكة بمواصفات معينة يا يقولون لنا من الاول ما يصير نسويها او على الاقل يتصلون ويقولون ترا سألنا المطبخ وما يقدر يسويها؟؟ مع ان مو طالبين شي صعب التنفيذ انا حيل متضايقة منهم ما ادري اذا يسوى الموضوع اكلم ادارتهم او اطوف السالفة .. شوفو صورة الكيكة من الداخل ما فيها الا كريمة تضييق الخلق :((
No comments:
Post a Comment