ديزي شارية كريمات عناية بالبشرة من استي لودر وعطوها عينات من الماسكرا اليديدة الي راح تنزل عندهم ولانها ما تحط ميكب عطتني الماسكرا،، جربتها رايي فيها عجييييييبة من جميع النواحي تطول وتكثف الرموش وماكو تكتل ولا رموش لازقين علي بعضهم، الفرشة وايد كبيرة نفس الصورة الثانية بس ابد ما تأذي.
انا عيوني حساسة حيل ومو اي ماسكرا تناسبني الي كنت استخدمها قبل هاذي ماسكرة كيلز لانها بزيت الجوجوبا وما تأذي العيون بس عيبها تكتل الرموش، الحين قاعدة استخدم العينة الي عطتني اياها ديزي واشوه انهم معطينها وحده ثانية يعني عندي ثنتين صغار تنفع تنحط بجنطة الميكب وما تاخذ مكان، وان شاء الله اذا نزلوا الماسكرا راح اشتريها اذا رحتوا استي لودر سألوا عنها صج اتينن واتوقع بتصير من البست سيلر.. هذا سايت الماركة شكثر مادحينها الي جربوها
No comments:
Post a Comment