ماسكرا فكرتها حلوة قاعدة استخدمها اهي 2 في 1
اهي طريقتها على خطوتين المسكرا رقم 1 تطول والمسكرا رقم 2 تكثف بس اثنينيهم من نفس الفرشه!!!
المسكرا لها مغطاتين تفتحين الغطا الاول وتحصلين مسكرا رقم 1 واذا فتحتى الغطا الثاني تحصلين المسكرا رقم 2
وبهل الطريقة تحصلين على نوعين من المسكرا بعلبة وحدة
مسكرا 1
تطول وتحدد الرموش
مسكرا 2
تكثف الرموش وتعطيهم حجم اكبر
شوفوا كمية المسكرا بالفرشة لما نسحبها علشان نحصل على المسكرا رقم 1
غريبه صح .. بس ما تكلكع الرموش وتلزقهم على كثر المستحضر الي بالفرشه
انا بالاصل كنت ادور مسكرا برجواز بس كانت خالصة فشريت ريميل بدالها بس ثنتينهم نفس الفكرة
وحبيت الريميل نوعية المسكرة حلوة وغلوسي ومو ناشفه اول مره اجرب مسكراتهم
ولقيت في ماك نفس فكرتها وحتى الباكجينح نفسه بس طبعا فرق السعر ..
المسكرا حبيتها لاني صرت العب فيها اتونس يعني مره استخدم 1 بروحها مره 2 بروحها مره 2 قبل 1 ومرة ا بعدين 2 بعدين 1 مره ثالثة يعني مجال التجارب فيها مفتوح لين توصولون حق نتيجة تحبونها وتنفع للصبح وللسهرة .. خفيفة وثقيله
يعني حتى للسفر ما تحتاجون غيرها .. جربوها بتعجبكم
2 comments:
اي عجيبه هالماسكرا
حبيت فيها ان الفرسه الاولى صج تطول الرموش بس الثانيه.مادري احس تكتل وايد :s
جربت وايد انواع بس لي الحين ما حصلت ماسكرا حلوة ما تكتل
جربي استخدميهم العكس 2 قبل 1 وشفي شيصير معاك ..
انا قاعدة استخدم ماسكرا كيلز اتهبببببببببببل اتكثف من غير تكتل ما ادري اذا مجربتها ؟؟؟
وفي مسكرا يديدة من لانكوم اممم نسيت اسمها بس كمية البرودكت الي فيها قليل فما تكتل هم شوفيها الي علبتها اتصير شوي غريبه!!
Post a Comment