هالفترة استخدم من ماركة UNE الي تتميز بأنها مصنعة من مواد طبيعية ومافيها مواد حافظة فاونديشن bb cream .. حبيت تغطيته وملمسه على الويه يتحول الي بودر وثابت طول ما انا حاطته ولونه ممتاز نفس لون بشرتي واستخدمه كونسيلر بعد بس الي بشرتها جافة ما يصلح لها لانه ناشف حيل يبيله مررررررطب عدل تحته.. الفرشة الي مع الفاونيشن مالها سالفة ولا لها لازمة خربوطة لازم تستخدمون اسفنجه او فرشة فاونديشن عدله او اصابيعكم ..
وخذيت منهم بعد مجموعة العناية بالبشرة مسوين علبة صغيرة داخلها أحجام صغيرة من المرطب للصبح والليل والتونر حق الي تبي تجرب نوعيتهم قبل لا تشتري الحجم الكبير والصراحة فكرة حلوة جان زين كل الماركات تسوي جذية لانه مرات نتوهق بالحجم الكبير أو نمل منه ونبيه يخلص بسرعة .. المهم لما جربت الكريمات طلع في ويهي حبوب فوقفت استخدامهم لاني شكيت فيهم بس برجع لهم بعد فترة واذا طلعت لي حبوب مرة ثانية يكون بسببهم ..
عطوني هدية مع المشتريات ماسكرا ما جربتها لأني مكتفيه بالماسكرات الي عندي
2 comments:
مرحبا
اختي من وين شريتي الفاونديشن؟
أهلين
شريته من دبينهامز سوق شرق
Post a Comment