05 January 2012

Quick haul and first thoughts on products



Helloooooo ^_^ شلونكم ??

في أشياء يديدة وفي أشياء مو يديدة وايد يمكن صار لهم تقريبا شهر جربتهم وحبيت أقولكم رايي عنهم:

1. The BodyShop Spa Wisdom Africa Shower Cream

 وااايد حبيت هالشور كريم .. ينفع حق الي بشرتهم تتأثر بالجو بالشتا ويزيد عندهم الجفاف .. فيه نسبة ترطيب لأنه شور كريم مو جل بس مو وايده يعني أكيييييد لازم وراه مرطب بس هم يعتبر زين ما تنشف البشرة بسبته ورغوته زينه وريحته مقبولة .. وعليه عرض كان بـ 6 وصار بـ 2 !! ترا أحس ما كان يستاهل السعر الأولي يعني لو شاريته بسعره الأصلي ما أفكر أشتريه مرة ثانية ولكن مع سعره بعد الخصم وبعد ما جربته بروح اشتري منه قبل لا يخلص العرض ..

2.  Bath and Body Works Aromatherapy shampoo
 
توني أدري أن في أنواع من الشامبو عندهم ..والي عجبني فيهم أنهم من لاين الآروماثيربي يعني متخصصين في استرخاء أو تنشيط الحواس على حسب احنا شنو حابين .. والسعر جدا معقول بـ 3.5  والعلبة كبيرة النوع الي خذيته بالجينجر والبرتقال والمرة الياية بغير واشتري نوع ثاني وأشوف أي نوع حبيت ريحته أكثر وأرتحت عليه .. أكو بعد كونديشنر بس ما أخذته لأن عندي شكثر في أحد مجرب لاين الآروماثيربي من باث أند بودي وركس شرايكم فيهم وشنو أحسن شي عندهم ؟؟
 
3.  Green Bar Face Elixir
 
من فترة صار معرض في فيلا ميني بالعيدلية وكانو مشاركين معاهم غرين بار وأهي ماركة بحرينية وكل شي عندهم طبيعي وبالزيوت والورد والكونسبت وايد متميز وكان عاجبني من لما قريت عنهم من كم شهر وكنت حاطة منتجاتهم في بالي ومشكورة صاحبة المشروع  يت لي عندنا في الكويت جدا حبيت حيويتها ولطافتها أهي توصف لي المكونات وشلون طريقة الاستخدام .. أخذت منهم زيت للبشرة ريحتة تهبل ريلاكسنغ على ورد الريحة المفضلة عندي .. ولكن للأسف تجري الرياح بما لا تشتهي السفن بشرتي العزيزة مو راضية تتقبل الزيت ولاحظت تغير في ملمس البشرة وصار معاي حساسية فما أقدر أكمل معاه وبعد استخدامي له ما استمر فما أقدر أعطي حكم نهائي عنه :(  والزيت بس فقط يحتاج نقط قليلة كافية علشان تتوزع على الوية وراح يظل في ملمس دهن خفيف على الويه ما تتشربه البشرة بسرعة وهالشي زين بعد الحمام الساخن لما تكون البشرة رطبة ودافية وايد راح تستفيد من الزيت
 
4. TOP SHOP Cheeks
 
توب شوب ما كنت اعترف فيها كماركة مكياج ولا اطل أصلا في كاونتر الميكب لأني ما أعتبرها متخصصة بالمكياج لغاية ما كان عندي تبديل في محلهم بعد ما صارت سياسة المحل ماكو استرجاع بعد اسبوع بس تبديل وصار لازم ابدل وزاد معاي فلوس فقالت لي موظفتهم شوفي المكيب في اشياء وايد تقدرين تاخذينها .. قعدت اتطمش وعجبني هذا الهايلايتر أهوه حق الويه واكثر شي يصلح حق الخدود لونه وردي وفيه شيمير ولما حطيته حبيت النتيجة لونه واضائته .. بيرفكت فينش حق الميكب
 
اتمنى تكون هالتجارب مفيدة لكم .. enjoy your weekend


11 comments:

Anonymous said...

I love the lavender chamomile line (blue package) products from bath and Body Works Aromatherapy line. i tried just about everything in that line. the candle is a stable on my desk and their sugar body scrub 3ajeeeb. and i love the pillow mist :D
from The Body Shop try the african salt body scrub, i think it's around 10 kd but worth it.

star said...

hello Anonymous:

ee I loved the lavender too but didn't find the shampoo? enshallah I'll try what you've recommend and about the body shop scrub ee 7ada 3ajeeb thanx :)

رورو الشخبوطه said...

ذكرتيني بمنتج بودي شوب شريته ونسيته:\


مشكوره ع ريفيو

star said...

رورو: العفو

وين نسيتيه؟؟ وشنو المنتج؟؟

رورو الشخبوطه said...

The BodyShop Spa Wisdom Africa من مجموعة هذا بس ماذكر شنو بضبط خخ..

نسيته مع قشي من كثرهم بس اكود وانسى :\

star said...

أي أشوه على بالي نسيتيه في المحل :) ويي اذا جذيه يبيلج تسوين جرد سنوي دام احنا في بداية السنة ;)

Monerah said...

حبيت حق باث اند بدي وركس، بس لو حاطه سواتش لهلايتر حق توب شوب
موفقه

star said...

Monerah:

والله اني عملت سواتش حق الهايلايتر علشان يبين معاكم اللون تالي شلت الصورة :(

ومشكوورة حياج الله ^_^

pink said...

السلام
ممكن وين احصل
Green Bar Face Elixir
و
Aromatherapy shampoo
اكون شاكره

star said...

hello pink:

Green Bar Face Elixir
كانوا مشاركين في معرض بالكويت .. واتوقع تقدرين تشترين عن طريق السايت http://www.greenbarinc.com/

والشامبو Aromatherapy shampoo
من Bath & Body works موجود المحل في الافينيوز والمارينا مول والفنار

pink said...

مشكوره وماقصرتي