28 July 2009

صفيحة باللحم

أمي الله يخليها لنا اتحب هل الأكله ..و أنا كل ما تميت سويتها .. وااايد طيبه وأتمنى تجربونها
صفيحة باللحمة (طريقة زوزو )
الطريقة :
العجينه : 3 كوب طحين +كوب روب +نص كوب زيت +نص كوب ماي دافي + م.ص سكر و ملح وخميرة فورية
تعينونها وتخلونها تخمر لين ما تنفش عدل بمكان دافي
الحشوة : لحمة مفرومة اتحضرونها بطريقتكم الي معتمدينها بالبيت مع البصل والبهارات وبعدين تشيلونهامن النار وتضيفون طماط مفروم وبقدونس وروب تقريبا ربع كوب مخلوط مع ملعقه كبيره هردة ..ولا بردت الحشوة اتسوون العجينه قروص وتحطون عليها الحشوة وشوي صنوبر وتدخل الفرن مدة ثلث ساعه تقريبا لين اتحمر وتصير ذهبيه .. وبس ويعله مداخيل العافيه ان شاء الله

3 comments:

رورو الشخبوطه said...

يمي يمي..

تسلم ايدج يارب..

ReLaaaX said...

تسلم إيدج :)

lazy dazy said...

حياكم الله مشكووورين