21 July 2009

Dale Chihuly


لما زرنا فندق اتلانتس في دبي شفنا روعة الاعمال الزجاجية الي مزينه أجزاء الفندق ... ونفس الشي في فندق Address.. وبصراحه كنت وأنا أشوفها أقول شلون اشتغلوا فيها وركبوها .. عاد لما فتح 360 مول في الكويت وشفت انه في شي متشابه مع الي شفته في دبي وهو الثريات المعلقة في المول..

وصدفة و أنا قاعده اطالع مواقع في الانترنت لقيت صور حق أشغال زجاجية روعه وكلها أبداع وذاكرين أنها من ابداعات فنان نحت الزجاج الامريكي ديل شيهولي عاد بحثت عنه في غوغل ولقيت سايت ديل والصراحه الصور عجيبة وحاطين من ضمن اعماله فندق اتلانتس دبي بس مو ذاكرين فندق address ولا مول 360 يمكن لانه السايت مو محدثينه أو انهم مو شغله ما عندي فكرة .. المهم أن الثريات الي في المول وايد حلوين خصوصاً الي بدرجات الاورنج ..

موقع dale Chihuly
صور أعماله في موقع flicker

ملاحظة : صور لوبي فندق اتلانتس ولوبي فندق address تصويري ومن ألبومي ولكن صور ثريات مول 360 أخذتهم من موقع flicker وهني الرابط لهم

10 comments:

غرغر said...

في خاطري اسافر دبي ..

من جد هالتحف الزجاجية ابداع ..
ا9ـلن دبي بكبرها ابداااااع


مشكورة ياعسل ..

مدونتك سأزورها دوما :)

حياتي هدف مو عبث said...

حلوين
وخاصة الورد البرتغالي على الأصفر
للحين مارحت 360
لازم ان رحت ألقي نظرة على هالزجاج
:)

Sweet Revenge said...

شغله وايد حلو وفيه ابداع
مشكورة
حبيت تركيزج علي المبدعين
في بوستاتج
الله يوفقج :)

رورو الشخبوطه said...

هاي..

انا حبيت ام كشه اللي ب360..

مشكوره..

Anonymous said...

مشكوره وااايد

لانى ما كنت عارفه هالفنان , وابى اشترى شغلات منه حق بيتى اليديد


صج صج نفعتينى , الف شكر

star said...

غرغر

أن شاء الله تزروينها قريب و ترواينا أحلى صور من تصوريرك

العفو وحياك الله بين خواتك وتشرفينا بزيارتك

حياتي هدف

حلت دنياك

أهم شي البرتغالي

روحي لا يطوفك في معرض حق أم كلثوم ألحين


sweet revenge

مشكوورة
:***

أن شاء الله و يوفق الجميع

هالو رورو

خلاص ولا يهمج أخلي الفنان يسوي وحده ميني حقج مخصوص حق دارج بس أي لون آمري

:****

Anonymous

حياك الله وعليك بالعافية مقدما فعلا شغله روعه اختيار ممتاز

العفو حياك الله في كل وقت

Fishah said...

شفت اللي في 360
وايد حلوين
وشغلات هالفنان نايس اعجبوني
بس ارد على 360 .. اتصدقون هالمجمع ما عجبني ديزاينه لول

star said...

fishah

حياج الله

:]

Anonymous said...

Dale Chihuly is represented by a gallery in Dubai called Cuadro, which is located in the DIFC Gate Village. You can find more of his beautiful works there. :)

star said...

Anonymous

thanx for the information