Olive Oil

في سفره لنا من جم سنه دخلنا أنا وليزي ديزي محل متخصص في بيع أنواع زيت الزيتون .. أحنا ما كان هدفنا الزيت في البداية لأنه وين بنحطه في جناط السفر .. وظلينا نشوف المنتجات المشتقة من الزيت من صابون وكريمات وبسكوت وصلصات وأشياء واايد حتى حلاو مسوين .. وطبعاً خذينا منهم لأنه نحب زيت الزيتون ..

فقام الموظف بالمحل وسوا لنا درس تذوق زيت الزيتون وأنواعه .. يمكن كانت هاذي أول مره في حياتي أجرب أنواع مختلفة من الزيت و أقدر أميز بين مذاقهم وألوانهم بهالطريقة عطانا قفاش بلاستك وكل شوي يصب لنا في ماعون زجاج صغير شويه من الزيت ويقول لنا شربوا منه وحسوا بالطعم .. مره يصير الطعم على أعشاب بريه عطرية مثل المرمية .. ومره لأ على ريحان أو جوز أو صنوبر .. طبعاً أنا تفلسفت شوي وقلت له أهمه يخمرون الزيت بالأعشاب والجوز علشان ياخذ هذا الطعم .. فكان جوابه لأ طبعاً هذا الطعم أيي من الأرض وطبيعة الدولة أو المنطقة المزروعة فيها أشجار الزيتون ومو داخل بالزيت أي اضافات من اي نوع حتى الألوان كانت من أصفر فاقع الي ذهبي الي الأخضر .. حبينا كذا نوع من الزيت وقررنا أنه ناخذ منهم خصوصاً أنه الزيت ياي في تنكات بأحجام مختلفة عندهم طريقة خاصة للتغليف للسفر داخل علب خشبية وقش والتجربة كانت وايد حلوة ..

وألحين مرات يحطون في دين & ديلوكا تذوق لأنواع الزيت ما جربتهم بصراحه بس أتذكرني بتجربة الزيت واذا حابين تجربونهم لا تقمسون بالخبز الي محطوط معاهم ذقوا الطعم مباشره بدون شي اضافي او وسيط ..